好睇程度十粒星，可謂近年睇過最好睇既新戲。
從開幕兩場戲已經確立左主要角色既性格行為，加上流暢既敍事線完全帶到好強既追看性同驚喜。
巧妙既仲有用女主角既視點黎開場，除左令人眩目之外後面轉變視點亦另有一番深意。
反而無左歌舞片段既印度片有啲新奇，前段節奏輕快其實可以加插入去，不過亦不必然要有就是了。
一反常態既仲有警察既表現，呢類片種通常啲死差佬都係唔會做野，去到中後段仍然會覺得好唔實在，因為好多事一查就無戲做，而編劇容易隨便帶過，點知最尾所有線匯聚一齊，原來印度片既警察都可以有所作為。
呢點係其他討論似乎為人垢病，覺得太過巧合﹑不合人設。雖然角色上我係見唔到有任何問題，不過多少少描述係比較順暢。
特別埋尾一場搵第三個人完全係抹殺左前面既所有功勞，快到無頭無尾。
以印度片片長黎講呢套只係得140分鐘，其實算短，再用心做返後段更好。