海量留言﹑討論，同夏一樣痴鳩撚線。
先唔好講當初水季任性地一個人瞞住夏去生仔誰是誰非，就算當日夏一啲問題都無，家陣認養海係個聖人，咁就可以拎當日既無辜做擋箭牌，為自己唔撚識做人﹑唔撚識做人老豆說項？！
一支公，無人無物，小朋友去到陌生環境，你咁放心由得佢一個人返學放學自己生活？！
當初海可以自己一個搵到你既住處，你唔諗下佢會唔會掛住屋企？
從頭到尾海話去圖書館，話想睇繪本，講水季既事，你可以完全無動於衷覺得佢唔係掛住媽咪？
三番四次開口埋口就話水季唔係度，你係咪唔撚記得當日點解要送條頸鏈比佢？
比津野話既時候仲係好撚唔GUR既表情呢？真係當自己大撚晒咁款喎。
大家都係聚焦海「一直以黎無老豆」所以夏好淒涼，又唔諗下佢其實係「無左個老母」所以好慘。唔係水季有病死左，夏君你呢一世都唔使出現啦。點解可以咁傲慢覺得一個識左無幾耐既哎吔阿女有自己就萬事足，死老母都唔緊要？呢頭彌生叫你唔好講「忘記水季」之類既說話，個頭就話「水季唔係度啦，唔好提佢」，你無病嘛？
仲話返屋企慢慢講，你個撚屌樣完全表現出自己乜鳩都唔明，呢一下真係好好演技。海接個下「廢撚事理你」既情節真係好完美。
都係唔知係劇情安排得好定演員做得好，最後重現返夏目送水季自己落仔個段真係睇得出夏一啲都唔抵可憐。你係比到人丁屎咁多信心，人地都唔會覺得你淨係「被迫犧牲」，而係識得「負上責任」。海都唔會無左個老豆。
總括黎講，今集目黑蓮其實做得唔錯，可能情緒多左，分得開佢「不甘」﹑「不理解」﹑「不負責任」﹑「自我中心」既演繹。只係當佢見到大竹忍孤獨地喊而一貫地毫無表情既時候，我不得不相信「月岡夏」呢條友其實係有情緒障礙，失去共情能力。