亂。好亂。好撚亂。
唔係唔好睇，唔可以話好難明或者寫得唔好，或者只係水土不服。
正常﹑怪異﹑融合﹑混和。
覺得老母條線太過火。但係要表達出「正常人既怪異」又好似好必要。事實上睇起上黎佢老母先似神經病。點解世界又會稱之為正常？
老豆條線又好似太粗疏。但佢就係一般人﹑一般背景﹑遇到一般問題。只係一般既事發生係一個怪異既人身上，呢種一般就被忽略。我知佢想經營落去，我知佢對個女有有色眼鏡，但係PIA係自殺同拯救老豆之間揀左救老豆，而且好正常地講出「不如你放低，我地一齊去度假」既時候換黎既仍然係無解，咁既偏頗得太嚴重，太難引出感受。
PIA本身既亂﹑影象﹑剪接當然係最強烈。怪就怪在好難有現實支撐。無左分辨最基礎既真假，將觀眾置於怪異之中，又點能夠正常觀賞戲劇？不斷係PIA主觀混亂同旁人視線兩邊跳換，情緒同邏輯都變得割裂，只會抽離到抽空一切，得返「哦」，一字之感。
但係怪就怪在脈絡中故事其實講得完整。即使難分真假，大致都知道PIA同周遭人發生乜事。要重組返係會唔舒服，諗黎諗去啲碎片到底要點擺。但係唔會唔通。但係又唔會好順。就好似夾硬要觀眾為精神病埋單。呢點就難以適應。
各種技倆中最鐘意係用藥停藥變臉迷失，一直連貫到尾。藥用得多「覺得塊面變左芝士」。由生理﹑藥理引伸去心理狀態。越發迷失臉孔越走樣，唯有停藥逃避。少左病控個人到底有無失常其實講唔清，中間不停用物品替代臉孔好似好尋常地不正常，但係返份老豆安排既濕鳩OFFICE工，做住啲低鳩能影印FILING再SCAN儲檔，個人變左個FOLDER根本就正常過正常既正常。由一開始問點解要用紙本到影完一堆堆文件之後又話要SCAN返ARCHIVE，唔正常既社會被當作正常先最反常。當然被功能社會物化完之後PIA有過正常臉孔。被說服跳樓既時候都依然係人樣。而之後同小男孩告解既時候講自己搵唔到自己應有既模樣，被安慰只係暫時蕩失路返唔到黎，呢下其實可以好中。著實可惜。
結尾以為PIA死左，點知返返之前三個病患吹水，先再LOOP返一開頭cam record睇佢話可以避免意外同條頸有傷，先明佢真係出事同真係無事。唔鐘意﹑甚或討厭就係佢又要用「夢境故事」黎包裝一切。最誇張係另外兩個病患一再出現又唔知乜頭乜路無黎交待。作為一套電影，維持一個穩定既視點應該係重要。哪怕現實中PIA咁既病人想用「虛構」看待自己既經歷，電影觀眾都唔應該用肥病患既三方觀點黎「笑對」成個故仔。咁處理法你想我有咩個人感想？