踏入counselling開始同近完結既休息情節真係教材級展示心理諮詢既片段，雖然望住個counseller既神情同聽佢講既野好唔聚財，不得不說專業既錢唔易搵。
「你覺得佢既離開同你係咪完全無關？」「有一部份有。」「咁不如我地從個部份開始先？」
「我覺得我唔識接納好意。」「你而家需要休息，我呢度有張梳化，你可以訓低好好休息。」「我唔想阻住你。你應該繼續你既工作。」「如果你有需要，我好樂意咁做，你願唔願意接受？」
覺得成套戲最高明既地方係無令成件事偏執係任何一邊，雖然側重講MARIA既問題，但都盡力呈現唔見既面貌，唔計有啲多餘既第一大場相識交往戲，最老正就係開場先比一段MARIA一個人湊4個死屁孩既辛苦日常，Sigmund成日唔係屋企又擅自解決問題，想離婚又唔交待任何野，睇落就係典型受罪角色，之後就開始解構條友有咩問題，而且係好確切具體咁將佢既行為同背後動機展現，唔係個種「你明我明」既一般理解。
當然，過程中都會懷疑MARIA有無比人洗腦，但不論點都在在顯示出佢既問題係要接受同改善，尤其佢既情緒管理同一輪咀機關槍式指責其他人既習慣，係太刻意，但藉住同唔同人既交流都表現到佢既討厭同欠缺自省。而另一方面都太過火係兩段母女衝突。老實講個起點真係有啲難搞，但或者真係有啲人鐘意咁講野去暗啞地傷害人而唔知，又或者太敏銳太玻璃而諗錯隔離，反正就係要講「你唔需要，更加唔應該扮演一個堅強既角色，從而拒絕，以致傷害你愛既人」。
係諸多衝突同輔導之後MARIA終於學識放手，明白道理只係「愛自己就可以放過人，同時接受人地既愛」。結尾無將MARIA包裝成受害者或者加害者，只係轉變心情，然後再呈現出其實Sigmund都有自己既問題，都要自己或者同MARIA一齊面對﹑解決，咁做大大減輕左對MARIA經歷既質疑。Sigmund係唔岩，佢阿女﹑佢阿媽都係唔岩，所以共情到其實MARIA既壓力同失控係情有可原同合理，但關係係雙方既，有人退後一步，先可以有人向前一步。停一停﹑諗一諗，大家都係LOVEABLE。