幾鐘意今集。可愛﹑溫馨﹑有伏線。
用一少部份時間做唔同任務，交待公司同工作，不致於令成個背景同故事脫節，又唔會限制事情發生係工作上變成單元劇，輕鬆精簡地過場好貼題。
一少部份講文醬對四季既心意，買禮物都唔係簡單既事，再過渡去兩個人拍拖﹑互相了解既情節。唔同既拍拖行街活動問對方鐘意啲乜唔鐘意啲乜，劇本可以好簡單，拍出黎咁有愛，最鐘意呢種。而中間只係用小小笑點「我生日係聽日哦」黎轉換，神來之筆。
每段仔逐啲逐啲講眾人新發展，又有能力上變化，又有關係既改變，又舖排敵人出現，最後一下爆出四季能力覺醒，再帶到敵人都即將擁有超能力，是為命運樹既分歧點，高度完成第一章，邁向下一個發展。
而成間公司成壇野既終極目標到底係乜？顯然有一個願望要達成。又係好唔想咁快完，因為呢班人真係太可愛。
講真，對比《Plur1bus》頭兩集咁刻意同狹窄既主角聚事，都係呢種顧及到所有野又具日常感既編寫更加好睇。