Really nice.
Burn out 老油條配新丁，中間有個莊諧並重既司機做斡旋，典型既化學作用。中間多個CASE去描寫唔同困難﹑處境，再加插各種外界眼光，講述成個產業﹑唔同部門既好同閪，有搞笑有正經，十分正。
鏡頭同設計都好有感覺。一開波明明係救護車但係用輕快POP ROCK，加上打破第4道牆，同埋誇張但真實既OD加GUNSHOT CASE為成套戲定調。然後老油條去見工想轉行開始主線，中間一直倒數QUIT前24小時，畫面超爽。
唔知係真唔係EMS人工仲低過掃地。PARAMEDIC護理資格唔單止不被視為英雄，無免費咖啡，仲被護士﹑醫生明踩暗串無資格無能力。第一段女阿頭大爆疏忽照顧致院友死左五﹑六個鐘先報案既住院護士超爽皮，第二次女新丁再爆急症醫生句句鏗鏘，可惜現實係急症醫生同為受壓迫者，而其加害身份亦仍然可以玩殘新醫生同其他EMS伙記。歸根究底，如果有咁既需要，點解醫療體制唔可以維持正常運作，而又大肆放任保險業賺到盡唔理人死活呢？
無解既同樣係Randy就算重返崗位，個司機拍檔六個月之後都會唔做，到時邊有人頂得順佢？
係快餐店被人問「有咩辛苦野」既一場好好睇。一方面又打破第四道牆，一再用輕鬆手法講述同回溯一啲真係好難忘懷既CASE，無論幾難睇幾惡頂，都要「有人去將個副難堪既畫面烙印係腦海」。另一方面亦係玩笑之間道出真正殘酷真相，係即使新丁都以為想講既係假事，實際係佢未明白未體會過前線既生活。雖然老套，但係奏巧。
另一樣學到既野係，比野插住隻眼既病人要封晒兩隻眼，唔係因為另一隻眼無事就唔使理佢，而係要顧全大局，兩隻眼係連住一齊活動，眼球後面係大腦，如果佢有恐慌或者亂郁亂試睇到野既一邊眼球，分分鐘會郁埋枝野連大腦都隊穿埋。
結局係Randy如願離開EMS，但係發現沉悶既白領生活唔適合自己又返返去EMS捱世界，一切如常。最鐘意佢最後一句Roud up：「I only feel alive when you are about to die.」
咁講或者唔公平，始終無睇過甚至唔知港產同類片《送院途中》係做乜，但係見到劣評如潮，都估到大概發生乜野事。正正係呢啲一成不變又唔好睇既戲太多先唔願意花錢入戲院睇戲。唔好講入戲院，事實係免費都唔會睇。睇錯戲，係無仇報嫁。有心既，不如學下人點係有限時間言之有物地將所有野講到出黎，又做到嚴肅又做到幽默，就算公式化都有可取既地方啦。