可能好評太多，期待過大，有啲硬不起來既感覺。
起初既故事開端係有趣，用血脈﹑過百人既屠殺計劃黎串連之前集數都好有創意，但僅只於此。
故事上整體黎講都係了無新意，只不過將名字﹑座位既順序變成血脈既順序，原本用其他原則仲可以加入推理元素，今次開宗明義，玩味其實大幅減少。
關於血緣上既扭橋，甚至同睇住一家人冚家剷一樣可笑。個種恥笑比屎眼塞住去水位而死更加難睇。
而所謂親情元素，亦都係可有可無淪為多餘既自我設限。唔係玩死神既話其實前頭主角同老母既相似同矛盾﹑之後既和好﹑老表既兄弟鳩情都係唔錯既情節，但一拼埋死神一齊就變得格格不入。
結尾既所謂反轉又係刻意得粗暴而無深度，比起聚埋一齊冚球剷﹑回歸第一集開頭﹑黑色幽默從高空掉隻手落黎，都係無咁深刻。或者呼應開幕係一種噱頭，但係隨便複製又無作用就顯得低手。
之前集數就算玩得太核突都算係一種效果；今次無懸疑無氣氛，或者創作團隊想脫離原有IP既公式化，但係成個IP好似變左調咁，乏善可陳。
最震撼但係又唔關套戲事既，係驗屍官退場之後真正退場，真係無人呃到死神。
雖然之前既故事都無乜記憶，唔多唔少都有啲片段情節可以浮現；今次，似乎有啲難。
關於IRIS﹑關於間屋，應該可以玩得更多，玩得更好。