唔錯既續集,同上集有所分別,不過無咁好睇。
最明顯既弊病係劇本,上集無咁多橋段係簡而精,可能太多傻鳩嫌無流程,今集好大篇幅黎述事,但係不見得有任何益處。
前癲狗既篇幅完全無關痛癢。
上次大肚老婆用對白黎講兄弟情,幾句說話夠深刻,今次出動埋演員,懶係感動咁聽BB聲,又無前文後理,係累贅。
日本方面又係無乜意思,即使用返陀地爭地盤都可以,幾個日本演員又無發揮,場口又小,直頭唔使三個咁多。
打手又係懶多人咁,有啲不明不白。
上次打鬥係簡單地道,今次用多左花式,有好有壞。
好睇係唔同武器既噴血畫面好唔同,細刀狂捅,換成大刀或者玻璃樽都有唔同,係豐富左。
唔好既係感覺太OVER,壘球太花哨,雙榔頭有啲不倫不類,用返拳頭實牙實齒好似好啲。
最正係同今集最好打個個打幾場既一段,一開頭對手好有層次,先係一推接唔住,再推識接又食一踭,擋到一踭又中中路一腳,好似師父教徒弟拆招咁。
後來用虎爪刀攻守交換打足十幾分鐘?好精彩。
另一組唔花巧又好特別既殺敵方法係去到中餐館用鐵板狂辣,字面上既熱血沸騰。
有幾組鏡頭又係拍得幾有美感,好似大刀穿出回望,葉片染血,最難睇一定係追車車戰,對港式追逐真心無得比。
其中一幕拍到成個車頂唔見左咁款,笑出黎。
整體黎講係有啲落差,不過娛樂性係強,只係兩個幾鐘既片,ask for more係正常吧。