Europe finally_Day 12

20.6.2010

今日的行程是去Kutna Hora. Prague附近的一個城市.
一早坐火車去KH, 落車還要行一段路才到人骨教堂,
這個教堂的獨特之處在於內部全都是用真的人骨來裝飾的.
聽說是戰爭時這裡死了很多人, 所以有位建築師就大膽地有了這idea. 這教堂現在就成了KH的一個景點了!
打算坐Tourist Bus去市中心的St. Barbara´s cathedral, 但見不到人, 行了附近的教堂再回來見到架Tourist Bus.
原來是人骨教堂入面負責的女人個老公的車, 但他一定要最少3個人坐先起行.
我地等了又等還是沒有人坐, 見無咩時間就同個人講話我地兩個人可以比3個人的價錢, 叫佢開車.
佢先至肯開車! 但當我地上車後, 先有幾個人來坐車....真係呀!
去到St. Barbara´s cathedral, 估唔到原來這教堂那麼大那麼美. 恰到好處的大小, 也有Gothic的外觀.
但可惜我們沒太多時間行, 因為要趕火車回Prague.
到最後一刻先跑到去公車站坐巴士返KH的火車站, 好彩剛剛好XD
所以回到Prague還有時間吃了些東西, 在布拉格廣場走走, 看了天文鐘, 遠眺火藥塔.

很多遊客, 很熱鬧的廣場~
經過了猶太區, 路過了查理大橋, 音樂會的時間不太夾, 所以應該不會看. 對黑光劇又沒有很大興趣.

Europe finally_Day 11

19.6.2010

今朝把行李放在hostel就出城了XD
因為節慶的關係, 入城都要先付費, 有手帶才可以通過.
今日要上CK的古城堡, 城堡外有兩隻護城熊, 吸引了好多人望.
上了城堡買了票等入埸, 有中世紀人在演奏, 好好聽呀~
之後再上了彩繪塔, 在高點看Cesky Krumlov真的很美, 這個小小的古城真是很特別.
但因為又大風又下雨的關係, 上到塔頂後凍到我真係頂唔順...因為今日著少左衫.
所以要返hostel拎衫著...點知比我發現我地個Backpack比人放左係廳, 而且我個鎖有比人強開過既痕跡!!!
點可以就咁放我地d行李在廳ga!!! 即刻好唔放心...但佢又無store room, 所以都無計.
唯有將所有值錢野都跟身先再出去.
出去周圍行下, 食左個熱騰騰的卷卷, 再飲左杯coffee, 即時暖返哂~~
撞到幾個昨天見到的香港女仔, 聽她們說今晚還會有煙花! 可惜我們下午已經要坐巴士走了~
想返hostel拎行李時點知條橋多人到呢......真係仲多過旺角!
迫下迫下咁跑返去拎行李就要去趕巴士了.
巴士站在城外, 都行到幾累先到. 好彩車都還未到.
我們之前已經在Student Agency Express買了票, 但見到有d人想即時買票上車已經沒有位了.
向Prague進發~~~~~~
去到Prague下車後, 因為離hostel幾遠, 所以要坐地鐵去.
有個當地女人好熱心咁教我地點行, 找到地下鐵.
布拉格的地鐵好舊, 而且車票種類有點複雜, 所以在唔知有冇買岩票的時候就去到了hostel所在的站.
去到River Bank Hostel所在的位置, 是有幾層樓高的住宅. 但大門一直關上, 按門鐘又沒人應...
按了很久終於有個人在露台看出來,
我們問他這裡是不是River Bank Hostel, 他說是, 但之後他說他從美國來, 一到布拉格就被人打劫了銀包.
但又唔開門比我地...
結果我地攬住d行李坐在大門外想辦法, 決定去附近走走看有沒有電話亭,
附近的確好似幾雜咁, 找到個電話亭, 打左比hostel個人, 佢話原來reception同住的地方在兩個不同的地方...
大佬呀, 網上又唔講清楚, 但佢講完reception個地址我地都唔知點去...所以就叫佢過來找我們.
等了半個鐘到先見到果個人來開門.
總算都入到房間了~ 房間很大, 但就要share bathroom.
因為都夜了, 所以在留下隨便找間餐廳食了些東西就訓了~

Europe finally_Day 10

18.6.2010

今日下午才坐Shuttle Lobo去CK, 朝早決定去近西站些的熊布倫宮. 20分鐘車程就到!
勁大的廣場和後花園, 仲有埋動物園! 入面都幾靚, 但好多遊客, 應該是旅行團必到的地方吧.
今日天氣算是Wien最好的一天.
因為比想像中的早行完, 行埋後花園先返出去, 諗住去搵野餐廳食野, 點知搵得來又無時間,
結果去車站Anker買d飽食就算, 因為西站裝修中, 所以個人話架車停在外面等, 會搵個人係西站入面等我地.
到咁上下時間...其實都唔知邊個人先係...見有個人似似地樣就過去, 哈!原來比我估中~
原來只是架Van仔, 有5個客人而已. 唔計我地有一對情侶和一個男仔. 都是亞洲人.
一路行天氣都好反覆, 時晴時雨, 仲有塞左成個鐘先出到Vienna, 仲見到百水Design的廢物處理廠. 好正!
坐左4個鐘先去到Cesky Krumlov, 係民宿出面落車.
見到間好破舊的屋, 原來就係我地間民宿...因為剛好這幾天有5 Rose Petal Festival, 所以周圍hostel/民宿都爆了.
就只有這間還有房...
入面好似好神秘咁, 又有d神像...入到去沒有人, 只有一隻狗在吠, 大叫左幾聲先有個少年下來, 比左房鎖匙我地.
我地放低野就出去行, 見天氣還好就去影相先.
明天開始是5 Rose Petal Festival, 很多人打扮成中世紀的服飾來慶祝.
而且今天已經有很多攤位, 有一些扮中世紀的東西賣, 有攤位玩.
我地買左d串燒+Beer, 買下小食, 射下箭, 見到有人真係打鐵咁做左條鏈出來, 我同pher都買左一條!
夜晚原本在廣場附近找了一間餐廳食, 但唔知係咪太多一既關係,
坐左超耐都無人理我地, 仲要係見到都無視我地...
嬲起上來就走左去另一間遠少少, 但有波睇既餐廳食~ 都幾好.
晚上的CK又有別一番風味, 而且因為節慶的關係, 入夜了還很熱鬧.
返到hostel, 點知出面個閘開極都開唔到, 雖然我有電筒, 但又黑又落雨...
結果要爬入去先發現原來度木門頂實左, 要好大力先推得開. 幾經辛苦先入到房...攪到好似做小偷咁...=0=
間房得一張大床, bathroom仲要無門...又有d壇香味. 真係十分奇怪...
有得選擇都唔會住呢到喇....

Europe finally_Day 9

17.6.2010

今日天氣還是天陰陰, 但雨好像就細了.
首先去了Stadtpark行市立公園, 找J. Strauss金身, 中途看到了貝多芬的銅像.
襯旅行團未到前先影了幾張相~ 走走看看又看到了Franz Schubert~
之後周圍走走, 想去看一看藍色多瑙河,
原來變了黃色多瑙河XD 不過一早都知道藍色只是幻想而已~
走到肚子餓, 附近又無咩餐廳...最後走進了一間平民意大利餐廳.
想不到又幾好味, 而且不太貴, 食到超飽XD
跟住行左去百水公寓. 好特別的外觀, 不規則及與大自然的合一.
之後再行了它的Museum, 看了個攝影展, 睇到勁累, 哈哈~
行返出去坐車到Karls Church看Mozart的Requiem. 未開埸已經有人在排隊了.
很有feel, 好正, 教堂的回音很大, 但層次不夠清晰. 但都是一個很好的體驗.
行返過去大街, 打算換些捷克幣, 但太夜了全都關了門. 不過可以影下Vienna夜景, 夜晚更美~ 反正早上天氣不好

.
行左入間餐廳食cake, 點知pher選果個又唔好食, 佢好似選親果d都麻麻...見到佢都有d失望.

Europe finally_Day8

16.6.2010

因為會在hostel住上三天, 所以把衫洗過後就掛起來.
維也納這天的天氣不太好, 雨一直下. 之前上網查過concert的資料,
想在維也納的St. Charles Church看Mozart的Requiem. 所以一早走過來想買飛,
但在地下鐵的路標一路找不到St. Charles Church, 追問了地鐵的staff, 才發現原來只有Karls Church,
原來是同一間教堂XD 但過到去發現原來只可在concert當天才買到門票, 又要走多一轉了~
沿著Karntner St.一直向Stephansdom大教堂的方向行, 經過了國立歌劇院. 雨逾下逾大, 相機都濕了.
原來Stephansdom才維修, 外面被掛上了假布景. 它的感覺很gothic和比較莊嚴. 有點被那氣氛壓住的感覺.
基於一些教會活動, 有一部分沒有公開給公眾進入.
之後去找尋安卡時鐘, 因為每逢中午, 12名名人人偶便會全部現身.
來來回回走了很多路都未找到, 直到差不多12點時, 偶然看到有一堆人在圍觀, 哈哈原來就係果到!
在冷雨撐著傘等侍著...看著人偶轉呀轉, 到完左時大家都不禁歎息, 原來也不外如是...哈哈
因為雨逾下逾大, 所以影響了影相的心情.
先行了Mozart Museum, (其實只是Mozart住過的地方) 之後就去找地方食東西!
去了間Aida Cafe~ 見到有好多好靚好吸引的cake, 又想試下Vienna的coffee.
坐下了沒有店員理我們, 去選蛋糕時找沒有理我們...原來店員都不懂英文. 只跟我們說"No English, No English..."

=0=
不過d cake真係好好味, d cream好滑, 未試過食到咁滑又不太甜的cream~
附近的年輕人一直在溫習她的樂譜, 在香港應該只會在玩Iphone吧XD
因為雨一直在下, 所以再行了Vienna Historical Museum.
入夜後就向郊區的酒莊餐廳出發!
入夜後路比較難找, 出地鐵後還要轉巴士, 幸好都無落錯車XD
之前選了幾間的酒莊, 最後選了間較久歷史, 較傳統的. 裝修幾靚的~
食的東西一般, 但紅酒卻很抵飲!
WingWing地咁搵到路返Hostel, 我地居然輪住流鼻血...可能天氣實在太乾了!