25.6.2010
今天可以悠閒地在krakow市內走走, 在城牆的Barbican影相, 這是一個圓形的防守性建築物.
去cafe食了個Tea, 在市中心廣場走走, 看到了好多好多的鴿子呀!!
見到有人餵得好開心, 所以我地都去買了些面飽去玩~~
d鴿子完全會無視你的存在, 飛到你身上, 好攪笑~
之後在市集行行買了些手信, 行過了猶太區.
下午找了間bar睇波飲beer酒~ 晚上就去了看chopin的concert.
表演幾好但未算十分特出, 感覺似是讀音樂的學生開的concert, 增加recital的機會.
去超市買了些生果返去, 明天就出發去首都Warsaw了~
其實Krakow真是一個我非常喜歡的城市.
它有歷史價值, 城市小得來又舒適, 而且又未至於落後. 是一個可以生活下來的地方^^
24.6.2010
昨天在旅行社拿了很多local tour的資料, 在考慮後天應否去Zakapane呢? 不過都未有結論.
今天一早就起身, 就去了約定的地方上旅遊巴. 出發去Auschwitz Birkenau & Wieliczka Salt Mine!
全車的都是年輕人居多, 今天天氣一開始唔錯~
集中營館內不可影相, 所以沒有影, 但單單用肉眼看已經夠震撼了.
看著一張張的黑白相, 堆積如山的一束束頭髮, 一隻隻鞋子. 你就會感受到人性的黑暗面和生命的脆弱.
出到外面, 看見了一條長長的路軌, 原來是一車車的死亡列車, 把猶太人騙到這裡處死.
看過他們當時住的地方, 行刑的毒氣室後, 天空開始下起雨來, 倍添了憂傷的感覺.
之後就去了Wieliczka Salt Mine, 這裡是全波蘭最大的salt mine.
單單是下樓梯, 已經覺得好像沒有盡頭這般了...
而且其實開放給我們的都只是很少的部份.
行了一會, 看到有一個幾大的Hall, 放著一些藝術品, 幾靚的.
但原來要我地買左影相證先可以繼續影相....
我們買了一張後, 發現其實除了這個hall外, 之後的都沒那麼價得影了T_T
最後排隊坐返架超級舊+細的電梯, 以極快的速度上返地面~~@@
之後返回krakow市, 買了票明晚看CHOPIN的concert, 夜晚就去了火車站附近的shopping mall行,
原來在krakow這個古城內, 居然有一個這麼現代化的商場. 完全有香港的感覺.
去foodcourt食了晚餐就行返hostel了.
因為天氣不太好的關係, 所以明天都是不去zakopane了.
好好休息吧~
23.6.2010
經過八個多小時的火車後, 在半睡半醒之間感覺到火車停了.
走出車廂看, 原來已經天光了, 我想應該已經到波蘭境內了吧~
只不過未到Krakow的站.
看到整車人都是整晚沒沖涼, 剛睡醒的樣子, 真有趣.
看著火車外的陽光, 很舒服, 充滿著期望的陽光. 到今日還記得呢~
Krakow的車站很舊, 走出去看著地圖找hostel, Krakow是一個小小的古城, 路不難找.
穿過城門走進大街, 因為還是清晨的關係, 街上空無一人, 好正!
雖然背著超重的行李, 但都忍不住要影幾張相先.
找到了Tutti Frutti Doubles Hostel, 上到去見到服務員還在睡, 真是難為了她.
因為房間真正位置在另一邊, 所以我們先放行李在locker,
太早的關係只有M記開了門, 所以就第一次在歐洲食M記了.
他們普遍都不太懂英文, 因此都係指指下咁叫野食XD
食食下見到d白鴿走埋入來搵食~
今日的行程主要是在Krakow市內和上城堡.
先在市中心廣場影相, 比起布拉格廣場, 這裡更加像我心目中的市中心廣場.
附近有一間很大的教堂, 但因為未夠時間開放, 所以沒有進去.
向著城堡的方向一路走, 沿途都看到好幾間教堂. 波蘭是個信奉天主教的國家. 聽說少少的Krakow都已經有幾千間教堂.
經過城門入到城堡, 城堡上的青苔令我覺得好有中世紀feel, 入面的教堂的形狀及顏色都幾特別. 但又出奇地配合.
在我們影影下相的時候, 突然有個老婆婆主動過來幫我們影合照.
之後她用她所懂的簡單英文跟我們講, 原來她是大學的老師, 很熱心地向我們介紹Kralow附近有甚麼景點好玩~
哈哈, 真係好有心~
之後先行了皇宮, 再行教堂, 原來教堂剛有紀念Kaczynskic的活動.
之後看了教宗的展覽, 出來後被幾個波蘭女仔叫停左,
原來她們在玩類似大學O'camp的活動, 要訪問外國遊客和影相...哈哈
可惜最靚女果個走左去揸機...=0=
之後上了鐘樓, 看了Krakow的全景和一個超大的鐘.
Lunch在城堡內的cafe食~
走返落去經過河邊的草地, 原來又有個中世紀的Festival~
Krakow是一個充滿Festival的城市, 久不久又會有個festival~
經過猶太區, 行行下見到個鋼琴模型, 因為今年是Chopin紀念周年, 所以有多個不同特色的鋼琴模型放在Krakow~
唔知我可以看到幾多個呢~?
走回大街, 因為明天打算跟local tour去Auschwitz Birkenau & Wieliczka Salt Mine, 所以就去旅行社訂了位.
夜晚走了很久, 最後決定在一間米之蓮餐廳食晚餐, 好似有保證些XD
雖然都只是夠錢食pasta, 但它的氣氛食品服務都的確不錯,
好像只有一個侍應生懂英文, 所以每次都要叫她, 但她都很有耐性地解答我們的問題. 原來她是大學生, 所以都想把握機會講多d英文.
而且波蘭的女仔都好靚啊~XD 這間餐廳真的值得推介!
這幾天住的hostel雖然有點遠, 但有service appartment的感覺. 都不錯~
22.6.2010
因為把Kutna Hora和Karlovy Vary分開了兩日去的關係,
所以今朝才去Karlovy Vary, 只有去Karlovy Vary這程全由pher負責.
我們都是坐SA巴士, 到Mestska Trznice之後再轉local bus.
其實唔確定在那個站下車, 只靠認著地圖上的地形. 再推測下行到邊到. 哈哈好彩最後都下對了車XD
KV其實是一個供人療養的地方, 出名在於當地的溫泉水是可以飲的!
這小鎮沿著一條小河而成, 建築較為典雅, 有種貴族的感覺.
我們一下車又見到好靚的馬車, 先去最近的溫泉所看看, 一入去就見到個大噴泉.
我們首先各自選購了一個溫泉瓶, 因為泉水一般都比較高溫, 所以不會直接飲用,
都會先用溫泉瓶裝泉水, 之後再一小口一小口地喝.
泉水分了不同的溫度, 而且每個泉口都有不同的礦物質, 聽說對身體好呢~*
說真的, 泉水並不太好喝, 反而用來送溫泉水的溫泉餅就幾好味!
而且有多種口味, 哈哈
我們在小鎮一直走走喝喝, 沿途只看見有一團香港人, 應該不會有太多旅行團來吧.
原本我們都想在這裡試一試水療spa, 但原來一個療程至少都要幾個鐘,
因為我們已經買了回程的巴士飛, 所以我們可沒有那麼多時間呢.
下次想一試的話, 應該要住上一晚才可.
午餐我們去找了間餐廳, pher終於可以一試捷克烤鴨了~ 幾好味! 而且飲了捷克中覺得最好的beer~
但因為上菜速度都幾慢, 所以食食下不知不覺都夠鐘要坐車了...
好趕咁買左d手信就要跑去車站了!
差不多夠鐘才跑回到剛才下車的巴士站...但一直等都唔見有車...
問左好幾個人, 終於有個人答到我地, 原來回程的巴士是只在總站開, 而且不會經這個站...=0=
我們唯有走去總站試試, 但其實已經過了巴士開出的時間了...
去到見到仲有架巴士停在車站, 過去見到有個女人同個車長理論中,
我地問車長, 他說我們原本那班車已經開走, 其實我們的票應該已經不可用了...但他說可以開後門比我地上車.
我就即刻唔理3721拉埋pher上車先算!
總算唔洗再買飛~
返回布拉格, 在市民會館那邊下車, 上了火藥塔.
在塔頂看布拉格的黃昏景象, 天氣好美, 可以看到布拉格象徵的迪恩教堂~
背後還有布拉格城堡作襯托, 真的很美~
影了很多相後, 就去買捷克最後的手信, pher話想買波希米亞的玻璃返去.
行了好幾間, 款色都差不多~ 最後行到無咩時間食野.
食左個pizza就算了. 但突然見到間雪糕店好似好好味咁, 但好多人排隊...
不過我地最後都照食XD
之後就要坐night train去Poland的Krakow了~
Prague火車站的票務員真係名不虛傳, 態度差之餘又錯...
話說呢班夜車我地一早到布拉格已經買了,
明知佢地英文唔得, 一早找定哂車飛資料的捷克文 (列車編號, 坐位類型...), 買的時候比哂捷克同英文佢睇.
我唔放心一路睇住佢個mon, 點知佢真係可以選錯日子的...即刻改正返佢.
諗住無事啦~
但到我地上車時, 個車長話我地張飛只是訂坐的票, 不是真正的車票...=口=
真係比佢玩死...唔怪得張飛比預期平左咁多喇...我地仲以為因為親身去買會比上網買平, 所以無為意...
勁驚無得上車...因為咁樣所有schedule都會delay哂....
我地即刻問車長可唔可以即刻比錢佢比我地坐...佢叫我地等陣...
等到d乘客上哂車喇, 佢先同我地講話可以...呼~
跟住我地計計數...要成700蚊港幣一張...死喇唔知仲有冇咁多捷克幣呢...佢又唔收euro...
好彩我無用盡來買手信...最後兩個人加埋緊緊夠數~ 真係嚇死~XD
總算上到車~
車上好多都是backpacker, 一卡有三張床, 是張只可以訓係到, 坐唔到的床, 難為上格床的那位加拿大仔.
無得沖涼就當然喇, 係咁易刷下牙就算了.
之前聽聞夜車不安全, 但其實門都可以上鎖的, 不過財物都是跟身沒放進backpack較好.
聽下歌試下訓下咁喇, 不過架車行下又停下, 都唔係幾好訓.
正如我地同房所說, "Night train? One time is enough".
21.6.2010
今朝天氣還不錯, 在露台看出去的河流景色很美.
買了早餐就上地下鐵到城堡那邊了. 下了車還要行一大段斜路才上到城堡的門口.
因為很早的關係, 街上行人不多, 很舒服~
上到去可以在高處看到布拉格的全景, 很漂亮, 很多紅屋頂的建築物. 這裡應該已是最高點吧~
門口有兩名士兵守著, 雖然說是守衛, 但他們最重要工作好像還是要站著不動供人影相.
不過他們真的很專業. 一動不動的.
我們影完後已經有一大班旅行團來到....重重包圍了那兩個守衛了...=0="
我們見那麼多人, 就先去買票入埸了.
一進去先見到宏偉的St Vita大教堂了!! 見人流不算太多就先影相. 因為未夠時間開放, 所以先行了舊皇宮.
再行了 聖喬治教堂, 再到黃金巷, 行完都唔知原來係黃金巷....更加唔覺有卡夫卡的故居.
在cafe食過些東西後, 再向St. Vita Church進發, 點知已經超多人在門外排隊進場...
因為好似大部分是旅行團的人, 所以我地決定左先行了羅利塔聖殿才回去,
點知Loreta聖殿是日關門, 所以我們只可以在門外影下相,
之後更加行埋過去Strahovsky修道院, 偶爾聽到修道院的鐘聲, 很平靜.
修道院內有一所可能是歷史最久的圖書館. 參觀完才行回St. Vita Church.
結果現在真的少了很多人~~哈哈! 這就自遊行的好處~
聖維特教堂完全是建築師嘔心瀝血的偉大作品. 絕對不可錯過!
入面的彩繪玻璃超級細緻, 簡直是精雕細琢!!!
之後沿山路下山, 一路可以看到布拉格的全景, 天氣很好!
下山後在河邊和查理大橋合照~ 遇到個Liverpool fans...佢幫我地影左合照XD
經過了Kafka Museum, 就正式行上了查理大橋, 有很多人在賣藝, 有人在演奏音樂, 有人在寫生.
橋上共有三十個不同的石像, 見到有一個石像下特別多人圍住,
問了人原來話掂到下面個金十字會有好運wo~ haha
之後沿河邊一路行返hostel, 天氣好好, 仲有見到神光~XD
回望布拉格城堡和查理大橋的景色真的好美, 美得不想離開~
最後行到hostel附近拎返之前乾洗了的衫後, 就去找了一間比較似樣的餐廳食飯. 不過原來是東南亞菜來的~
Christopher叫果樣又係麻麻...不過杯Hoegaarden好大杯同埋幾好飲~
