Europe finally_Day7

15.6.2010

今日我生日呀~~~~~~~~~~可以在Hallstatt+Vienna過生日太幸福了^^

今日先上Salt Mine, 一早起身食民宿早餐.
對住個湖景慢慢食早餐, 真係太美好了, 勁歎.
之後女主人教我地點去SaltMine, 去到已經見到一大班小朋友, 應該係學校活動, 仲有少少遊客.
入去SaltMine之前要換衫, 攪到好似精神病院咁.....haha
入面真係幾凍下, 好彩一早著定多d衫, 唔係一定凍鬼死~
有個guide一路用德文+英文講解比我地聽, 睇下片, 仲有得玩滑梯tim~
因為SaltMine分好多層, 所以落下一層的時候是要用滑梯的!
而且都幾長下...個guide叫我地一定唔可以brake, 否則會跌出來!
所以都幾快下...見d細路公公婆婆都夠膽玩, 我當然都會玩喇~

返出來見未夠鐘, 坐係湖邊食早餐留下來的飽~
點知d鴨又來.......@@ 仲有隻好可愛的麻雀, 之後又見到天鵝~~
見到d人特登買成個飽來餵佢地~ 唔怪得之喇!
之後見到兩個鬼仔, 拎住兩支冰凍既Beer, 扒隻船出去個湖到~ 真係勁正呀! 十足人地拍廣告咁~
撞返琴日果兩個女仔, 佢地話Hallstatt餐廳d野食麻麻地, 好彩我地無食je~
佢地仲叫我地有時間可以去個人骨chamber. 入面放左好多人骨, 出面是grave.
呢個view真係正~ 不過可惜話呢5年內都唔會有位.
返pension拎背包時已經下雨了, 坐船去火車站那邊, 又有一班小朋友.
去到個火車站, 咩鬼都無, 無人無售票機... 唔知點買飛lo
好在個老師話我地可以上車先買都得,
咁我地就照上火車, 點知又無check我地~
但火車到左個中途站就無lala停左, 但明明未到Bad Ische...
我地睇住個老師同d火車站的職員理論...唔知咩事唯有等喇~
原來呢幾日要轉巴士先可以到Bad Ische, 但又唔夠巴士.
個老師同我地講話我地可以跟埋佢地上車返Bad Ische~
好彩姐~唔係都唔知咩事
係車到d小朋友係咁同我地講日文以為我地係日本人,
仲好好奇咁望住我地, 但又好友善~ 好可愛^^
佢地6, 7歲左右, 問我地識唔識German, 佢地有d都識英文.
有一個唔識英文既小朋友, 佢坐我前面, 眼仔look look咁望住我~ 之後仲請我食糖~
見佢咁乖仔, 所以我之後就送左個chopper既公仔比佢~ 佢雖然唔知咩來但都好開心~~ haha

我地去到Bad Ische就分道揚鑣了, 多得佢地我地save左成12euro~ hoho
等車時打返HK, 用左1 euro先傾到1分鐘到, 都算平過用手提打~
坐左個幾鐘車到Vienna西站.
大途見到個鬼佬因為架火車既門壞左而落唔到車........勁無奈
我睇返原來有個應該是德文'壞門'的紙貼左係好唔覺眼既地方到....我地即刻轉車箱!
去到Wien hostel, check in 的地方唔同住的地方,
間房細細地咁, 花灑時冷時熱, 最後仲無咩熱水, 凍鬼死我=0=
夜晚同pher去留下間地道的Bar食Dinner, 佢話幫我慶生~ haha
有個鋼琴手自彈自唱好勁!!! 成個Billy Joel咁~
Wien果然名不虛傳, 連普通一間bar的artist都咁有水準~~~

Europe finally_Day6

14.6.2010

今日一早食過民宿早餐, 就還guest card, 坐車去Salzburg~ 向Austria出發!
中途撞到兩個同我地差不多大的香港女仔, 原來都係去Hallstatt, 不過佢地就留一日係Salzburg.
我地就直接轉車去Bad Ische, 再去Hallstatt.
之前睇呢幾程車都有少少擔心, 因為都唔係係總站下車.
在Salzburg上車, 撞到一對香港情侶,
他們說剛好也去Hallstatt, 打算one day trip但唔太識路. 話好彩遇到我地可以跟住我地.
去到Bad Ische, 搵2570號車, 但原來車是寫543號.
本來算買埋Hallstatt去Wien那程火車, 但見好貴同埋無咩時間, 所以都係睇定d先.
上車同司機講去Hallstatt, 佢都有提我地幾時落車轉車, 最後都順利去到Hallstatt~~

Hallstatt是一個很小的湖邊小鎮, 真係好靚~
落車先找民宿, 但行行下見搵唔到d號碼, 諗住問下間bar的人,
點知原來佢都係tourist....haha
問返個老闆先知原來係上一層的街.
上到去Pension Gummerer, 間房都幾大, 仲有湖景睇~
一路坐車過來天氣都不太好,
但到左Hallstatt就見返藍天白雲~~ 所以即刻決定周圍影相先, 聽日先去Salt Mine~
個鎮好細, 半個鐘都行得哂~
行到間教堂出面買左個Bosna食當Lunch, 因為餐廳都貴, 所以晚餐食杯面+消化餅~
撞返對香港情侶, 佢地叫我地上一個位就可以影到明信片個景~
周圍影下相~ 真係好舒服~
夜晚民宿電視有波睇~ 正!
食完野睇完波諗住出去影下夜景,
點知小屋大多關了燈既....仲好凍下tim!!
不過見到好多好多星呀~~~~~ 勁正! 可惜我都係唔識睇星喇!

Europe finally_Day5

13.6.2010

今朝8點半先起身, 因為琴晚太累了....沖完涼食早餐~
早餐都很豐富, 太太教左我地點食個溫泉蛋~ 仲比左張card我地等我地可以免費坐公車, 真好!
坐10:15分車去國王湖~ 在Jenner Bahn考慮緊落唔落車, 有個華僑女仔話可以呢度落,
但最後我地信司機, 坐到再下一個站先落~ 懶得行XD
去到買來回Salet的Return Ship Ticket, 就即刻上船了.
國王湖好平靜, 好舒服. 船家仲會吹喇叭比我地聽下回音, 真係好清楚!!
不過轉頭佢就收小費....=0=
我無比因為佢全程講德文我根本聽唔明....咁所以繼續聽唔明XD
其實國王湖最有特色是在湖中心的一間教堂. St Bartholoma Kirch
紅頂白身的一間教堂. 置身於四周的綠林中, 襯出來幾有特色的~
不過教堂內部很普通.
再坐船入Salet, 落船後要行一個多小時才入到去~
很舒服的郊遊路段,
看到近了一點的瀑布, 還有一個水平如鏡的湖~
有點像九寨溝呢~
入到去見到有間小木屋, 養左d牛係附近~
對住個咁平靜的湖~ 正
撞到一對中國留學生小情侶, 在法國讀書, 暑假在德國玩玩, 真開心!

之後行返出去時, 一上船就下雨了, 今日天氣都不太好.
落船食左個pancake, 再買左個飽食, 就上車返民宿了~
見天氣太差所以都沒有過去Ramsau了.
無野做係民宿hea左陣見出面有間餐廳有得播世界杯, 就過去睇~
咁岩今晚有德國~ 個個都好興奮~ 打扮哂畫哂國旗~
仲要係win 4:0~ 皆大歡喜~

Europe finally_Day4

12.6.2010

同婆婆講好左7點3食早餐, 佢好準時就送上來了. 好豐富的早餐呀!!
如果有時間, 應該在露台慢慢食~~
因為個早餐太豐富的關係, 所以遲左出去...要快步走去火車站!
好彩琴日Herzog教左我地點行過去, 因為要落tunnel的.
去到已經見到架Zugspitze Bahn到站, 我地即刻飛奔過去買飛, 好彩個職員都好快手!
有Bayern Ticket仲可以減5euro~ 正!

順利坐到第一班車上山, 經過一個垂直打通左個山的tunnel, 上到Zugspitze Platz.
一出去勁反光, 因為仲有好多雪呀!!! 好靚~~ 好有瑞士雪山feel, 滑雪場好正!
仲有間教堂係到, 真係去到邊都有教堂!
玩左陣影下相, 就坐cable car上山頂~
山頂望出去, 見到一望無際的阿爾卑斯山脈~~ 都仲有雪的~ 真係靚到喊^^
雖然看過中國很多不同的山, 但這種山脈還是第一次見, 而且真係會覺得腳仔軟~ haha
見到一舊舊的雲在我腳下, 仲見到下面個湖Eibsee, 好似寶石咁~
山頂的最高點有個金十字架,
但一般人去唔到, 因為要自己爬山過去先到到...
見d人真係著哂成副裝備爬過去, 但一踏錯腳就真係byebye...因為完全無圍欄的.
山上的天氣好好~~
好多鳥在飛~ 但卻只有一種...黑色的烏鴉. 難道是太近太陽曬黑哂?!XD
不過都幾凍下, 因為超級勁大風...出發前見到山頂溫度是幾度而已.

坐返cable car下山, 原來有一邊直頭可以下去Austria! 山脈橫越了德國與奧地利呢!
穿過雲層, 行去Eibsee那邊.
坐在湖邊食早餐留下來的飽, 真係一生一大樂事.
這個湖是看過之中最清的, 有人在游水tim~~
食食下的時候, 引來左成班鴨子游過來...
佢地完全唔驚人, 仲上埋岸逾行逾近..好攪笑~
比左少少飽佢地食, 點知佢地call鴨來...逾來逾多@@"
攪到我地要企起身趕佢地~~ 佢地就鴨~鴨~聲咁行走....haha

返去GP行埋town另一邊, 無琴日行果邊咁靚, 但較modern~
見到間朱古力店好正~ 入左去買左少少試下~~
仲有咁岩今日是Richard Strauss Festival開始, 不過我地都要走了~
諗住返pension hea下, 點知已經有下一批人客入左來,
所以Herzog比我地係佢間工作室等夠鐘先坐火車~
到夠鐘時佢就車我地去火車站,
走果時婆婆仲有係門口同我地say bye bye~~ 真係好^^
上左車就落雨了, Herzog 都話我地好彩, 因為上星期落左成個星期雨.
呢間民宿真係好正!! 如果可以住耐d就好了~

啟程去Berchtesgaden, 卻是体驗Die Bahn DB死火車的驚險一晚.
去Berchtesgaden要先返Munich, 但架火車勁慢, 行行下又停下...
應該18:27到, 再到另一月台轉18:47的火車, 但佢delay左成半個鐘先到!
去到我地仲要背住所有行李跑去勁遠的月台......先確定真係走左班車...=0=
準時開但唔準時到的火車....無計!
等左一個鐘到, 上下一班車, 好在用返同一張ticket都無問題.
這架火車應該21:35分到Freilassing的. 先再轉多次火車去Berchtesgaden.
天開始黑了, 玻璃窗反光看不到外面的牌,
到真係21:35分左右時火車埋站,
有個鬼佬問我地係咪去Freilassing, 我話係, 跟住同我地一齊落車,
我第一個落車, 但心感不妙... 因為好似真係好荒蕪...
我即刻跑快兩步去搵車站牌, 見到個字尾唔係G字時我即刻大叫'NO!!!!'~
個鬼佬就即刻衝返去開返車門....
見佢好大力咁開左幾野先開到個車門~ 好彩ja!
果一刻幾鬼驚架火車開走...因為d火車停一停就開走架喇........
上到去同個鬼佬對望而笑...haha
唉, 原來呢架火車都係delay左, 所以其實根本未到站.
去到Freilassing又要等多一粒鐘等下班車..........
打返比民宿通知佢我地的情況, 好在佢都幾好人, 佢話一路等緊我地來等到好眼訓XD
佢話會開燈等我地知道是那一間屋.
去到天都黑齊了, 差d搵唔到路出個火車站...
最後終於都去到間民宿了~~
但因為太夜的關係, 民宿太太叫我地唔好沖涼驚噪到其他客人.
所以無沖涼就訓了~

Europe finally_Day3

11/6

今日一早起身上天鵝堡, 但要鎖行李在store room, 個hostel主人話唔洗key,
點知我地撞到留下果班香港女仔, 先知原來key比左佢地!
約好左時間一齊返來拎行李. 好彩撞到佢地je, 唔係比個hostel主人玩死.
去到買King's Ticket, 點知原來套票係一定要去舊堡先...
但我地咁早來, 就係想為免太多人, 去左新天鵝堡先ma...最後比多2euro換返張飛,
但就miss左班巴士上山...等左幾個字先有下一班, 已經有班中國團&日本團了...=0=
上到去, o親d人點緊人數既時候, 我地就一支箭咁去左瑪麗恩橋.
因為果度係遠眺新天鵝堡的最佳位置!
個view真係勁正! o親無人即刻影多幾張相先~
同埋d風吹埋來真係好舒服好涼爽!
靚到真係同明信片既一樣~~~
d人跟住過到來, 個個都wawa聲~~ haha
因為張ticket有限到入場時間, 所以我地要跑去入口...去到岩岩好.
城堡近看無咁靚~ 入到去無得影相所以都無影到.
個tour guide好後生, 好似暑期工咁XD
出返來先記得無同懶熊影過相...haha
慢慢下返落山幾舒服, 但見d馬仔行上山行到好累~

下山去左Alpsee看湖, 好靚, 見到d雲倒影在湖面上.
仲有我好好彩, 見到一家大細係天鵝游過來, 真係名副其實的天鵝湖!!!XD
當我覺得佢地好得意既時候, 點知隻大天鵝游過來出口咬我...!!!
真係估佢唔到, 我同後面果幾個鬼佬都係到大笑~~~
見佢可能想保護d天鵝BB姐, 放過你喇!
坐低係Bier Garden食d野之後, 就上舊天鵝堡.
中途都係好多馬屎......><"
舊天鵝堡其實別有一番風味, 有時間值得去下, 個tour guide好幽默~

等車返Fussen既時候撞返班香港女仔, 成6,7個人一齊去grad trip真開心!
返去寄postcard, 周圍行陣, 等夠鐘就過去坐巴士去Gamish P.
約左Mr Herzog7點幾在火車站等, 一去到就搵到佢架BMW, 車我地返Pension.
去到Herzog泊車先, 由老婆婆帶我地上房, 婆婆個樣好和藹可親, 好似我女麻女麻~
佢用佢僅有的英文問我地想食咩早餐, 幾時送上來.
之後Herzog就上來拎哂地圖資料比我地, 仲講解比我地聽有咩地方可行, 點坐火車上山. 真係太好人了!!!
間房勁靚! 有個大露台, 望出去好舒服~ 好有傳統Bavaria Style~~
晚上在GP Town內行, 小鎮好有古典味, 商店賣的都是一些懷舊的貨品.
咁岩今日世界杯開始,
我地就入左間Bar到睇波食dinner, 好有feel~~
睇完都成10點火, 個天先至黑. 好彩我有帶電筒^^
一返去就沖涼訓, 因為聽日要早起~