The internet

今日晏晝想上一陣網,點知開左部電腦既時候發覺上唔到網,連只有有限或沒有能力連線,我好怕,因為如果要整返個上網的話,要等網絡公司既工作人員喺約定既日子嚟修理,而且嗰日無得出街,一定要全日等....等佢嚟整既嗰一排無得上網,就好似攞左我條命咁....無左上網,就好多資訊都接觸唔到,最後變得脫節....好彩,宜家上得返網,可能係晏晝有維修啦,所以先上唔到網....經過尋日中化卷大敗之後,我今日真係勤力左,睇左一份英文報紙既一篇報導,查晒入面既解釋,雖然咁仍然係做得唔夠,但我會繼續增加閱讀量,加油加油
天氣好凍呀,隻手都凍到僵硬晒,打字都有困難...好凍呀....(@_@)

中化卷

今天,中化卷已派回,當我一接過試卷時,手裡一沉,我沒想過會有如此劣等的成績,我真的黔驢技窮嗎?我立即望一下身邊的同學,我知道他會考的成績比不上我,我懷著落井下石的心情去看看他的成績....怎料,他的分數竟比我的高,我真的掉進谷底了,我真的這麼遜嗎?過了一會,當我知道最高的分數與我的分數有極大差別的時候,心裡再一沉...我問自己是不是追不上進度?這次的失敗實在很大,是我中六時第一次的且最大的失敗,我沒想到跟別的同學有如此差距....我有一刻真的想過,預科課程是不是已經不容我再唸下去?我終於徹頭徹尾的明白到自己的弱小,我都不敢相信自己竟沒因此意志消沉,反而燃起更強的鬥志來,....放學走在歸家的路途上,我低著頭總結失敗,並打電話回家,媽媽接過電話,原來她已經撥過四次電話找我,可能是我心不在焉,並不知道電話曾震動過,一番關心的說話燃起我,為了自己,為了不失媽媽的信心,我決定再下一成,溫習功課,不得再有一次失望,我要勝利,我要發奮,我要向上,下一次,總有一次,我會勝利的,爸媽等著我,日本各網友及其他各地網友,我不會再令大家失望,我要出真功夫了゛(｀ヘ´#)

打邊爐

有蟹籽包心丸,魚旦,帶子,鮮件肉,火腿丸通菜湯底就係魚湯!!!
真係好好味呀,我好鐘意食打邊爐既食物架,不過我記得呢次既牛肉好似無以前既咁好味,今次既牛肉口感就好似香口膠咁,牛肉就係打邊爐既靈魂嚟架嘛,最後都係食唔晒d牛肉,係第一次食唔晒打邊爐既牛肉,不過都食得幾開心吖!,

車程

前日出深水埗,喺架車度影左一d屯門公路至到荃灣段既相,送俾各位日本既朋友(・∀・)

呢隻船頭真係由細細個出油尖旺見到宜家喇,睇落估到隻船頭應該翻新左,仲油得比以前靚,上面寫住"海院精神"希望多一d傑出既海員喺呢個學堂度育成啦(・∀・)

呢度應該係深井喇,對面有燒味店,d燒鵝好出名架,如果大家有機會嚟到香港一定要試下深井燒鵝呀,因為本地人一講起燒鵝而要搵地方食燒鵝的話就一定會諗起深井,可見深井既燒鵝實在美味,街知巷聞,雖然我未食過,不過燒鵝我都食過既,比起燒鴨同燒雞,燒鵝真係比較好食,加上有d酸甜開胃既梅子醬,哇,諗起都有d肚餓(゜ρ゜)
不過喺車程入面,坐喺我前幾個卡位既人真係極之無公德心真係惹人側目,佢喺巴士上面隨地啖痰,我覺得呢d行為真係好嘔心,如果另一個乘客踩中左佢佈既陷阱,咁又會點呢,細菌就會周圍傳播,我好憎呢d無公息心既人,實在係香港之恥!!!!

抵達荃灣工業區( ゜∋゜)

荃灣最出名既商場愉景新城,就我所知就無乜野睇既,普通商場一個,如非必要都唔會踏足此地,因為我住喺屯門,多數都只係會喺屯門出沒,出出入入車費好貴架,所以都係少出屯門以外既地方為妙ヾ( ´ー｀)

Seal Silver

銀魂!!!
最近玩到呢個階段,利基亞真係好靚!好彩我有電龍(・∀・)不停充電加特防,耐力夠先可以慢慢扔ball捉架嘛!
第一次就係唔小心ko左佢,之後第三次用左三個紅球就捉到喇!ﾍ(ﾟ∀ﾟ*)ﾉ之前特別養左隻太陽伊貝可便抽中理想既性格,果然抽中加特攻減物攻既性格,真係好呀!遲d會升下利基亞!!!心金嗰邊兩隻都捉晒喇!鳳凰與利基亞,不過嫌隻利基亞捉返嚟有70lv實在太高喇,都係想低lv既時候訓練,可以掌握佢既努力值嘛!