十一月的最後一日

咁快就到左十一月既最後一日喇,時間真係想捉都捉唔住呀,咁快就開左學三個月喇,之前一直以為返夜校一定好辛苦,但係宜家返落又唔係好辛苦之嘛,仲頂得住,年半既時間係好短,所以真係要喺每一個考試入面攞出真功夫,即使失敗對自己都有個交代吖嘛,今日一起身,疲勞盡消,真係超好訓呀,成個人精神晒,我追求既睡眠質素就係咁,最起碼精精神神,做起事先有精神架嘛,部電腦雖然最最死,但我每日都會盡力去開電腦,留意GVGNP最新情報,希望隻game快d出啦,等得好心急呀

李國麟 - 馬元贄

今日宮心計大結局
我覺得整齣劇最值得讚揚的就是李國麟
李國麟係TVB既老戲骨,而且唔需要帶劇本入片場,可見劇本上的細節佢已經記熟
而且演起奸人嚟絕對神似,即使只是甘草,但佢都無放棄過,仍然為TVB拍下一齣又齣好戲,叫好叫座
李國麟,我佩你!!!TVB之中既演員我最鐘意就係李國麟,希望佢加油,拍更多好劇俾全香港既觀眾

成功味甜

今日,真係好開心,而且開左學咁耐,終於得到學校老師既認同!!!
今日汝返好耐之前,中國歷史既功課同測驗,份份都有B+呀!!!加上份測驗竟然有17/25分呀,而且今日上堂之前阿sir頻我寫野好認真,嘩,真係由個心度笑左出嚟呀,好開心呀,終於有人認同我喇,我要加緊學習,唔好沾沾自喜,要努力向上,因為我仲未做到最好,仲有好多空間去改善,加油加油!!!我僧認真做任何一件事,要學似鍾偉明-鍾大哥一樣認真看待每一件事,鍾大哥,希望你睇住小弟慢慢奮鬥進步(°∀°)b 雖然大哥係死左,但仍活在精神世界上,希望你喺另一個世界開心活著('-^*)/

鍾大哥

剛才去左香港電台
見到有個悼念鍾大哥既留言版,入到去都見到好多留言,好多港人對鍾大哥既離世都好痛心
鍾大哥你係得既!!!
當然我都有入去留言,處名謎樣男的就係我
我點都唔會忘記鍾大哥,廣播皇帝,鍾大哥,你永永遠遠都係喺我心目中入面最好最好最專業既DJ,永遠都無人能取代你既地位!!!

鍾偉明鍾大哥一路好走,你的聲音一定一定會留在港人心目中
廣播皇帝之銜鍾大哥絕對絕對受之無愧
我都好希望有一個好似鍾大哥咁好既前輩喺我身邊指點我教導我,不過我覺得除左鍾大哥之外都唔會有咁多前輩咁對後輩傾囊而教
鍾大哥,希望你早登極樂,就讓天帝聽聽你既廣播劇,為天堂增加一點美好吧!!!

上月百多個網誌

嘩
睇睇左手邊一欄
點解上個月會寫到成百幾個網誌咁多既
唔通新事物真係會令人更加之提高興趣?睇嚟就係喇
呢個月就快完喇,又到年終既十二月喇,一年就快過,真係好似眨了一吓眼一樣,時間真係唔等人,光陰似箭呀
下個月就到左我十八歲生日既日子喇,十二月九日,雖然屋企唔太著重生日慶祝事宜,但我都會自己走去訂蛋糕,到左十二月九日既時候就去攞,我記得呢年既生日,嗰日好似要返夜校呀,返到嚟都十點幾啦,屋企人都訓晒喇,無所謂啦,買個細d既蛋糕,自己一個人食,自己一個人慶祝啦,都係一樣既