2009年12月8日

今日係2009年12月8日
聽日就係我既十八歲生日喇
同時今日係我朋友周家浩既生日,佢都係十八歲生日呀,又大一歲喇
希望大家都開開心心過日後既每一日
聽日係十二月九日,同時係日本動畫keroro軍曹入面既keroro生日既日子
原來我同keroro係同一日生日,哈
我又鐘意砌高達模型.....
呢套動畫我好鐘意,好有趣好惹笑,有時又好有意思,時時都有創新既劇情,真係非常之好呀
星期五打邊爐喇,補祝對方生日
星期四晚阿媽好似約好同我一齊去茶樓食一餐飯,都好既,都未試過同阿媽出去食飯
呢個十二月真係非常之開心呀!

絕對第一

呢幾日,我既鬥心真係返晒嚟
絕對絕對要喺嚟緊既考試入面以地理取全班第一最高分
中史必入頭三位最高分
中化同UE高分即可
鬥志旺盛!!!!擊到呢一群烏合之眾!!!哈

聖誕樹

又到聖誕，又到聖誕!
聖誕節即將來臨喇,又即係話一年將盡,零九年已經就快過去
二零一零年就快到喇,新一年既展望就未知,不過呢個十二有好多開心既事呀
下個星期五同兩個朋友走去打邊爐,今日又同朋友玩左一陣MHP2G,,打一場JUMP爆炎之帝,但最後都係Quest Fail收場呀,雖然係咁,但之後一齊食飯,一齊睇左套霧地異煞,都幾開心
好期待下個星期五呀,好想好想打邊爐呀,係呀,下個星期四就要去整返張成人身份證,唉,真係估唔到咁快就十八歲喇!係件開心既事嚟既,有自主權喎,邊個唔想?哈
今日行過屯門中央大會堂,哇!,見到佢地已經放左一棵聖誕樹出嚟架喇,都幾富色彩喎

睇睇先知,原來右下角個位有兩隻雪人,果然係中央大會堂呀,比起我屋企樓下嗰棵真係比較多色彩,幾靚
今日又去左扭蛋店(爛習慣^^),見到新一套圖鑑扭蛋,今次呢套係蟹,我又忍唔住手扭返隻,扭中左隻招潮蟹,隻大鉗可以轉動,都幾好,不過我最想要呢套蛋入面既青蟹,都算好運,我最怕抽中長腳蟹,好彩好彩
真係好靚呀!日本整既野都好高質素

好靚呀^ ^,不過太貴喇,十五蚊一次,我都係唔扭多隻喇(-。－；)

豬柳蛋芝士扭扭粉之 - 理想與現實

今日有機會去試試McDonald既新出品,芝士扭扭粉,本來我睇見個樣好似幾好,以為味都唔錯,但一打開蓋,咦,點解成碗粉個湯底黃晒既?原來d芝士稀得滯,一落湯就化開晒,之前食一啖,我覺得陣味好似嘔吐物一樣,唔係咁好食...下次都唔會再試...唔好味....(^▽^;)

今日終於搵返唔見既一粒智慧珠喇,跟住佢本解說書砌左個金字塔出嚟(^O^)

GVGNP

嘩
今日出左去睇一睇GVGNP個價位大概係去到邊
點知見到既就係無得賣同埋貴得嚇人
$395!!!!
今次無辦法,真係要喺金錢前面垂頭,我無呢個勇氣去買呢隻GAME
太貴喇....
今朝起身,肩背頸都痛,希望唔好有事啦
同埋最近身邊有好多人都病左,希望自己唔好病埋一份啦
加上筋骨都唔好病喇,唔想又拎錢去睇跌打