真係不枉我咁早起身睇呢齣戲!實在太好睇喇!先唔講3D既立體感令我呢個鄉下仔感到意外先!
阿凡達呢齣戲實在好值得去睇一睇!戲入面帶出一個訊息,就係人類稱霸全地球,但人類是否因此就能夠霸道呢?
當別人手上有一樣自己無既野,唔通就應該大條道理咁去搶?即使對方只係弱質小輩,都要用暴力去迫別人屈服然後得到佢手上既物品?遽切面既人類為左得到資源,不惜犧牲該星球本有既土著民誣而去得到!
呢種行為合唔合乎公義呢?大家應該好好想一想!
我地宜家都係剥削緊野生物嚟換取舒適既生活,就好似北極熊咁,全球增溫問題已經令佢地再向絕種邊緣邁步,睇過阿凡達既人都會覺得班天空人好可恥,但如今我地又同呢一班天空人又有何分別?
我地都只不過係剥套野生生物既生存權
所以睇完呢套戲既朋友都好應該深思一番
講返睇完戲之後
我同班朋友都去左越棧食野
嘩!真係貴到不得之了,電牛肉粉收左我三十六蚊
雖然包埋野飲,但都好似貴左d喎!
個粉連牛肉都唔過十蚊啦....真係太貴太貴...