08新一年始動!! K王K后再現 桃花源
Wow... 新年快樂
話咁快就到2008年啦
尋晚既倒數活動完左返屋企都要成四點幾啦... 因為實左好累既關係
... 好快就訓覺
今日訓到點幾兩點
... 我地約左SYN去搵節目渡過呢個元旦日... 我地三點左右去到北橋既桃花源... 今日就係唱K啦![]()
點知我地去到果陣... 所有房都full哂
... 我都可能要等個幾鐘先有房
... 咁我地唯有坐係度等下啦... 強妮李+恩妮小姐就買杯珍珠奶茶飲啦... 我就買左兩盒壽司做我既午餐... 都好好味呢![]()
大約三點九左右就有房啦... 真好
哈哈... 我地今日又係咁唱
... 但今日把聲真係唔多得
唉... 唔知點解... 過左黎澳洲之後... 把聲都其實都唔多好
... 一直都係喉沙既狀態... 好慘啊
我把聲去左邊啊
我想快d有返以前果把靚d既聲啊... 唔該![]()
唱足三粒鐘後... SYN要等一個鐘先有車... 因為今日係公眾假期既關係
... 我地就決定去隔離間西貢越南餐廳食飯
... 我就揀左食雞飯... 好好食既
食完我地就搭尾班車返屋企啦
返到屋企大家都見到個天好靚... 強妮李就影左幾張晚霞相啦![]()
再講多一次先... 阿野祝各位好朋友新一年快快樂樂
事事順利![]()
2007年度阿野大事回顧
“2007年度阿野大事回顧”
今年算係一個多事既年份... 係我呢個22歲寫上好多經歷... 有開心亦亦有令我極唔開心既事發生... 雖然已經過去左... 但希望呢d事唔係令我一笑置之... 係令我成熟更多... 成長更多... 經歷更多!!
3月份: 讓我深深認識你地... 了解你地既諗法... 呢個世界好多事係冇絕對既對與錯... 但總有適合與不適合... 我相信只要堅信自己所信既信念... 總有成功既一日!!
3月27日: 多謝你地幫我搞一個令我難忘既生日... 我唔係一銀善忘既人... 所以我會記住你地每一個為阿野慶祝生日既朋友!!
5月2日: 一個令我永世難忘既一日!! 我答應妳我呢世都唔會忘記妳... 因為妳對我好重要... 妳既離開係我唔可以控制... 只可以希望妳可以係另一個地方好好生活!! 我亦會好好行落去... 樂觀積極既性格係唔會變!!
6月份: 踏入離開香港前既最後一個月... 好多謝阿野好多好朋友幫阿野搞既送別gathering... 有飲野... 有食飯... 每次都令我好開心... 特別係CIE既一班好朋友... HK200 GroupA既組仔組女... Zoe,Benny,Christine等等... 多謝你地!!
仲有認識到重要人... 哈哈! 好重要既...
7月1日: 臨走前係香港睇到最靚既花火... 令我感動到不得了!!
7月5日: 機場送別! 去一個新既地方接受新挑戰... 唔知自己會面對咩新挑戰... 但每一日都會係刺激新鮮既... 最後我係冇喊既!!
11月份: 功課+考試既壓力大到我估計唔到... 係我咁大個仔未面對過既!! 好彩最後都順利過渡... 兩個好朋友離我而去返香港... 不過多兩個靚女陪住阿野... 不過佢地都走埋咁點呢?會好驚嫁...
12月25&26日: 過左一個四十幾度既聖誕... 熱到喊!! 我真係畢生難忘既聖誕節!!
希望2008年可以一切順順利利!! 開開心心又過一年!! 呵呵呵... 我仲要搵多d錢先得... 好似現實左d... 但我覺得係一個好時候學理財同投資啦!! 過一個發過豬頭既08年先... 哈哈!
買野食不成食燒味吧!!
經過尋晚累到特別早訓之後
... 今日差唔多兩點幾先起身
... 起身發現所以既野食已經全部俾我地食哂啦
... 咁我又唔想咁早出去超級市場買... 所以就hea到六點幾先搭巴士出去
... 點知
我地去到Coles門口先發現佢地已經關門大吉啦
... 再過隔離間woolworth都係一樣... 兩間超級市場都唔開... 點算呢
咁唯有出city既woolworth果度搏下啦... 我地之後就搭巴士出city啦
唉... 點知都係剛剛關門大吉... 咁冇計啦
... 我地唯有係city食埋晚飯先返屋企啦
...
恩妮小姐突然話想食燒味飯... 咁好啦
我地就去北橋搵間燒味鋪啦... 行下行下我地就去左鴻記燒味
... 我地一人叫一碟... 我叫左油雞飯咋
... 又有例湯... 都ok飽既![]()
食完之後... 大家又好有興致去買珍珠奶茶飲
... 咁我地就去買左休閒小站買左三杯野飲啦... 我買左大杯柚子蜜+珍珠黎飲
... 係幾好飲既
買完之後就返屋企啦... 通常食完飯先返屋企會覺得好悶
... 點解
因為冇左好多野做... 哈哈![]()
2007年就快完結啦... 聽日我會學其他朋友咁... 做下2007年阿野大事回顧先
拜拜啦![]()
Fremantle 玩水 @Adventure World
我地計劃左好耐既水上活動之日終於到啦
我地今日去左珀斯一個最大既主題水上樂園... 叫做Adventure World
... 其實早係伯母黎珀斯既時候... 我地已經想去呢個樂園玩嫁啦... 但都因為知道去果度伯母一定會悶死
... 所以都係等強妮伯母走左之後先去啦
... 哈哈![]()
明知今朝要早起身... 但我地既然四點幾先肯訓覺
... 訓唔夠三粒鐘... 我地全部人準時七點鐘起身
... 換衫執野+食左少少野之後... 準時八點鐘出門口搭車出city啦
一路大家都懷住好興奮既心情出發
... 有講有笑... 又影下相咁![]()
話咁快九點鐘就到Fremantle啦... 我地要再轉車去Adventure World
... 搭多廿分鐘左右就到啦![]()
一見到個門口... 我地都O哂咀
... 果然有廿五年歷史既樂園... 個門口就好似荔園咁
... 香港都有個廿幾三十年歷史既海洋公園... 但香港果個真係靚過呢度十倍
哈哈... 算啦... 始終係一個未完全開發既城市
... 都唔望佢有幾靚... 可能等多十幾年啦... 就有香港咁既水平啦![]()
一入去我地就即刻除衫去玩啦
... 係呢到玩我覺得好自然既feel
... 因為個地方其實都幾大既... 但係d澳洲人就係咁除哂衫係個樂園周圍走
... 我地入園隨俗... 感覺就好得意啦
因為我唔慣唔著衫周圍走嫁嘛... 哈哈
但呢度就真係唔驚啦... 都冇人識我![]()
我地玩左好多款既滑水梯... 幾剌激好玩既
跟住玩完水又玩機動遊戲整乾個身... 不過呢度得好少機動遊戲嫁咋
... 跟住我地又落返水玩... 重覆又重覆... 哈哈
基本上係唔使抹乾自己個身既... 好快就會乾嫁啦
之
後我地去食熱狗+漢堡包既餐
因為唔夠訓又狂玩九粒鐘... 上到巴士我地已經訓哂教
... 出到city食完TAKA就返屋企啦
今晚超早就訓左啦... 哈哈![]()
遇見死亡的切心感受
經過兩日公眾假期之後... 珀斯好多鋪頭已經開返啦
由於係年尾既關係... 聖誕節假期之後... 珀斯所有既鋪頭都會大減價
... 係所以既鋪頭
因為強妮李今日要返工既關係...SYN又要返屋企執下野既關係... 今日得我同恩妮小姐行街啦
... 其實好多野都減得好平... 但我確實又買唔落手... 都唔知點解喎
... 哈哈![]()
最係我地行去名店街果邊... 係睇中d野既
... 但都係考慮下先啦![]()
行到五點幾六點...SYN出返黎city... 我地去左woolworth買果汁
... 之後就搭巴士返屋企啦... 我地落車之後去左買酒今晚飲... 叫MIDORI
... 好好飲既
之後我地就返屋企煮飯啦... 今晚有SYN既host專登整既pizza俾我地食
... 都好好味嫁![]()
不過今日最驚嚇既事
... 就係強妮李放工返屋企搭巴士果陣... 係我地平時搭開既巴士站親眼見到兇殺案發生
... 一個澳洲人因為同巴士司機有嘈交... 轉身拎把刀出黎插左一個日本人胸口四五下
... 強妮李五步內發生既事... 佢驚到即刻走上車打電話俾我
... 我都好緊張好擔心佢... 我聽到佢喊哂咁我真係好驚呢
本來諗住同我個host揸車出去搞強妮李既... 但原來架巴士已經開走左
... 我唯有係巴士站接佢啦
珀斯既夜晚真係好危險... 我真係又d驚之後佢地全部走哂之後... 我係度生活會唔會安全
... 衰d咁講... 我驚我萬一係度有咩事都冇人會知嫁
... 唉
不過冇辦法啦... 所謂極地求生就係咁解啦![]()
其實都知道果位日本人已經過左身啦
... 希望佢早日安息
亦希望強妮李可以早日忘記呢件唔開心既事... 振作d![]()






