突然‧弗里曼都
尋日恩妮小姐突然問我弗里曼都既市集係幾時會開
... 我就答佢星期五六日啦
之後佢好突然就講話要去弗里曼都市集啦
... 咁突然既
係啊
... 因為佢話想買d手信返香港... 要買羊脂產品... 蜜糖... 等等啦
...
我地照舊點幾兩點先起身... 由於今日係星期日既關係... 一粒鐘先得一班車
... 所以我地就搭兩點四十分既巴士出city... 之後就轉搭火車落弗里曼都啦
... 話咁快... 三點半左右就到啦
... 跟住我地行去市集啦... 今日都唔算話好多人... 恩妮小姐入到去就係咁睇... 睇下有冇野買
... 佢又買波板糖... 又買Nuts... 又買Creamed蜜糖... 又買左d羊脂潤唇膏... 仲有小小澳洲紀念品...簡直係收獲豐富![]()
我同強妮李呢
我就冇買野啦... 強妮李都有買左少少紀念品既
... 不過因為差唔多關門既關係... 另一邊有好多好平既水果賣
... 我地發現有$1澳紙就有7個奇異果... 嘩
好抵呢... 香港都買唔到咁多又咁平... 正![]()
之後我地又買左兩個熱狗三個人食
... 都幾好味既... 不過老實講肚餓起黎就咩都好食嫁啦
... 哈
之後行多左一陣... 我地就搭返火車返屋企啦![]()
兩個地方‧隔個大海既好友相聚!!
今日都係點幾鐘起身
... 強妮李就要出去city買con水... 買機票... 佢食埋野兩點幾出門口... 臨出門口佢就收到一個外地朋友既來電
... 相約佢今日聚一聚咁話... 就係咁... 我同恩妮小姐就留係屋企hea啦
...
唔知點解
... 今日我地兩個好似睡魔纏身咁
... 我地兩個訓醒冇幾耐... 我地又覺得眼訓啦
... 所以成個下畫都差唔多用黎訓覺
... 哈哈
好hea呢...
之後打電話俾強妮李... 佢話佢同朋友食埋飯先返
... 咁好啦... 我同恩妮小姐自己食啦
... 我地又煮飯食... 煮左羊扒... 咁就一餐啦
... 本來話煮腸仔都唔記得tim... 哈哈
冇幾耐... 強妮李就返黎屋企啦...
另一邊廂... 蘇氏G大邀好友到佢既豪府
(哈哈
) 度燒野食... 我都知道佢地一定會係MSN叫我
... 又會開下cam傾計咁... 因為都好耐冇見啦
... 哈哈
見到佢地玩得咁開心... 我既心情都唔知點形容好
... 哈
不過我地都好開心既... 之後強妮李同mie係個cam前面係咁騷擾我地正常溝通
... 好似未玩過cam咁
... 哈哈
最後我地兩地九個人就透過高科技黎一張大合張
...
但我竟然冇望鏡頭
... 唉![]()
平凡生活‧日復日地重覆
尋日係恩妮小姐大壽之喜
... 我地傾下飲下又去到五點幾先肯訓
... 哈哈
我地個個訓到唔想醒咁... 但唯獨一個一早就自己走左啦
... 佢就係咪娜同學啦
佢一早就走左... 仲留左一張生日紙巾俾恩妮小姐tim
... 哈哈![]()
之後我地又要去超級市場買野食啦... 強妮李諗住買Con水... 咁就想出city買啦... 之後佢諗諗下可以第二日先出city買
... 咁我地就去附近既Coles買啦
而SYN就返屋企啦...
其實每次去超級市場都係買過幾樣野嫁啦... 菜啊... 肉啊... 果汁啊咁... 但新年後第一次去超級市場掃野
... 就俾我地發現左好多野都貴左
... d菜又貴... d肉又貴... 本來覺得Coles既肉都好抵買嫁嘛
... 點知今次令我地對佢失哂望
... d肉貴到買唔落手... 你話點算![]()
最後我地去隔離既競爭對手Woolworth睇下會唔會平dd
... 點知都係差唔多
... 咁我地都係買左焗雞同少少差唔多過期既扒食啦
... 貧苦學生就係咁嫁啦
... 成日食埋d過期既野食... 哈哈
聽落都覺得自己好慘
...
返到屋企冇幾耐... hea左一陣就煮飯食啦! 其實都兩位靚女煮飯都幾好既
... 好快就會煮好... 哈哈
食完飯冇幾耐... 我就走去訓左陣
... 十一點左右就起身出去打電話啦
... 日子就經常咁樣過啦... 完全冇咩特別
...
打黎打去都係差唔多既生活... 自己都覺得悶呀
... 希望睇我blog既好朋友唔好因為悶就唔黎睇啦
... 多謝哂![]()
大力恭賀欣宜大壽喜!! 恭喜...恭喜!!
今日一朝早強妮李+恩妮小姐就起身啦
... 因為佢地約左SYN去同印度洋玩尋日冇玩既遊戲
... 我都係果句啦... 我皮膚唔好
... 所以陪唔到你地去玩遊戲... 對唔住呢![]()
不過途中強妮李打電話黎話話原來今日都唔係咁曬
... 叫我出黎同印度洋陽光玩遊戲... 但我太懶既關係... 都係冇去啦
... 哈哈![]()
因為今日係恩妮小姐大壽之喜
... 我地就係city既poppo餐廳設宴
... 今日有新出現係我日記既朋友咪娜同學
... 我地係果度都食左好多野呢
食完之後... 本來諗住落bar飲下野
... 點知大家覺得平日既bar冇乜氣氛
... 所以都係買酒返屋企飲啦
我地仲買左雪榚蛋榚同強妮慶祝tim
... 祝你生日快樂![]()
![]()
我地又一路傾計一路飲酒
... 一路上網一路睇好笑既野
... 咁就過左一日lu~~![]()
佳節後一個休息日
今日強妮李+恩妮小姐相約SYN去印度洋同陽光玩遊戲既
... 點知佢地一起身就話唔去住
... 可能天氣唔係咁好掛... 而我一路都話唔去啦... 點解呢
因為我宜家d皮膚先好返少少
... 我係唔可以曬太耐時間嫁
... 所以我就陪唔到佢地去... 不過冇所謂啦... 因為佢地今日都唔去
... 哈哈![]()
佢地唔去印度洋之後點呢
佢地就出左去city買強妮李返香港既機票啦
繼恩妮小姐同SYN係16號離開珀斯之後... 強妮李亦會係21號離開珀斯啦
... 我最近可能都要出入機場好多次啦... 哈哈
... 係香港都未必成日出入機場... 反而黎到珀斯就要lu
... 點都好啦... 預祝各位一路順風
返到香港既生活精彩無倫![]()
佢地返到屋企之後... 我地就開始煮飯啦
原來恩妮小姐聽日生日喎
... 點正生日... 我地為佢先預備一個小小蛋糕
... 唱生日歌... 祝你生日快樂
來年開開心心... 情路順順利利![]()






