心血來潮食雲吞
簡單幾句就可以交代今日發生左d乜事...
今日訓到三點幾先起身
... 起身乜野都冇食就填form... 準備一陣交form去KFC + Hungry Jack’s... 希望今次會有答覆啦
... 唔好再要我等啦
...
四點幾左右... 我同兩位小姐出去Coles買之後幾日要食既野
... 我地落左巴士之後... 佢地就先陪我去KFC + Hungry Jack’s交form... 交完就順便買Hungry Jack’s軟雪榚食
... 哈哈![]()
之後我地就一路食雪榚就一路行入Coles買野食
... 今日強妮李心血來潮想買意大利雲吞食
... 所以買左一盒大既Coles牌意大利雲吞...
今晚用意大利雲吞代替pasta
... 不過佢地好識唔係太鍾意食掛
...
白行一趟 !!
尋晚同恩妮小姐傾傾下... 佢又話煮早餐我食
... 真係好
今日大約都係點幾鐘就起身啦
... 一起身又見到一碗熱辣辣既麵係面前
... 今日係食燕麥拉麵
... 第一次食都覺得好好食啦
今日都係有煎蛋火腿+生菜... 係一碗好豐富既早餐黎既
...
食完之後... 因為恩妮小姐要等第二機衫洗好去曬先
... 等多半粒鐘左右... 我地就換衫出門口啦
今日要去邊呢
就係返大學claim恩妮小姐之前睇醫生所用既錢... 再去Co-op書店拎一本之前恩妮小姐訂左既一本reader
...
大約三點三左右就出門口
... 返到UWA先發現claim錢果個office已經關門大吉啦
咁冇辦法啦
... 我地再去Co-op拎本reader之後就走啦... 因為係大學都冇野做... 真係白行一趟
...
返到屋企又開始hea... hea到八點半先煮飯食... 今日強妮李返夜... 所以得我同恩妮小姐食晚飯
... 食返尋晚食剩既意粉+羊扒+香腸+芝士焗西蘭花
... 食完就feel到好飽啦![]()
唉... 就係咁又一晚啦
真係悶到爆...
Hyper K王K后 @桃花源
因為尋日要整電腦既關係... 所以我地最後係冇去唱K既
... 於是我地決定今日再去唱過... 冇野可以阻到我地
哈哈...
約左SYN兩點鐘係桃花源等... 但我同恩妮小姐竟然可以接近七點先訓
... 哈哈
點解呢
因為我地又傾下計又飲下酒咁... 傾傾下就咁遲先訓... 因為尋日恩妮小姐欠我一個早餐... 所以佢又話今日叫我起身+整早餐我食啦
... 哈哈![]()
一訓就訓到十二點半... 雖然唔係好好訓... 但都叫精神既
起身就有一碗熱辣辣既麵係面前... 仲有菜+火腿係裡面tim... 勁
食完就好趕拎d衫去曬... 洗頭... 換衫... 準時一點半上車出city... 所以我地好準時兩點去到桃花源... 之後因為見SYN未到+恩妮小姐又想飲珍珠奶茶
... 所以就先去買再上桃花源...
我地今日三個人唱左三粒鐘
... 唔知點解我覺得今日大家都唱得好high
... 尤其係我同SYN... 勁唱嗌歌
... 抗戰二十年... 好多好多... 唱到把聲沙到唔想要... 不過就唱得好開心
... 最後又扮演唱會結束... 同聽眾講bye bye
... 傻左
不過我地真係有聽眾嫁... 就係恩妮小姐啦
之後埋單要$36澳紙
...唔係$9一個咩
原來有最低消費嫁...每人俾多$3...算![]()
唱完大約五點半... 強妮李過黎會合我地一齊搭車返屋企
... 返到屋企休息左一陣就開始煮飯啦... 最近唔知做咩... 食完飯總會想訓一陣
... 但又訓得唔耐... 訓醒左之後... 兩位小姐又想出去打電話... 我就要陪佢地打啦
哈哈... 不過今次都唔係好耐姐... 兩粒鐘就傾完啦![]()
返到屋企... 上左一陣網就訓覺啦![]()
意外=意料之外 + 我太老啦 !!
尋晚都應該係算最早訓覺嫁啦
... 大約四點左右就走上床訓
... 因為約左SYN下晝唱K... 恩妮小姐話聽日叫醒我起身+整野我食
... 嘩
實在太開心啦![]()
一訓就訓到十二點左右... 突然
恩妮小姐好驚咁過黎叫醒我
... 因為佢部電腦出現左d意外
... 佢個表情真係好驚
... 咁都冇辦法啦... 唯有即刻換衫出city... 然後去電器鋪問下東芝既客戶服務地址係邊啦... 點知佢地只係知電話號碼
... 我地去Hungry Jack’s坐低左... 打電話去呢個電話度問... 點知原來東芝係珀斯係冇客戶服務中心既
... 呆左
但佢地俾左個地址我地... 叫我地去果度搵人整... 之後我地打俾SYN... 話佢知我地要去整電腦... 唱K活動應該要暫時取消啦
... 再話佢知我地要去既地址... 原來就係SYN住既附近
... 真巧合啦
哈... 咁我地就去果度會合SYN啦...
原來個SYN住果度都真係幾偏遠下
... 大約搭左半粒鐘巴士就到目的地既附近啦... 我地先去Subway食野醫肚先
... 之後再搭一程好短既巴士路程... 落車再行十五分鐘左右
... 就俾我地發現東芝既維修中心
嘩... 你唔好再遠d啊
跟本唔問都唔會知呢度有間咁既野... 入到去就先收八十幾蚊澳紙做檢查費... 零件另計... 佢地話好快會打俾恩妮小姐報價... 放低部電腦之後... 我地就走啦![]()
我地搭37號巴士出city... 今日係星期二既關係... 我地三個可以食半價窩夫
... 因為唔知強妮李食唔食... 我地又想之後飲珍珠奶茶... 所以三個人只係食左一個大既窩夫
... 但途中發生左一件令我好無奈既事
... 我見到窩夫鋪話請人... 恩妮小姐同SYN都叫我去試下問... 咁我拎住份resume問下呢間鋪既一個女師奶經理係咪請人
... 點知佢拎住我份resume講左一句: “Ohh...You are too old
”... 我真係呆左
... 我廿幾歲人第一次俾人係我面前話我太老
... 原來我咁老自己都唔知... 個女人話要請19歲以下既人... 因為人工係會平d既... 但我眼見到佢間鋪既所有stafff只有師奶同超過19歲既人... 我真係O哂咀
... 講真我係有點兒嬲嬲地
... 算
唔同小人計較... 但我會玩下呢個女經理... 係下次落order既時候不斷轉雪榚
... 呵呵
我好衰呢...
之後我地去左北橋既桃花源飲珍珠奶茶... 強妮李會合我地... 傾左一陣計就各自歸家啦... 食完飯之後... 佢地兩個想出去打電話... 我陪出去... 因為太危險啦
不過佢地破左記錄... 兩位各自傾左三粒鐘... 你話勁唔勁![]()
聖誕禮物 !!
都唔知點解... 日日都好似好累好唔夠訓咁
... 今日又訓到差唔多三先肯起身
... 其實早係點幾鐘既時候已經醒左... 但就係唔想起身... 救命![]()
起身之後... 我就叮熱返尋晚食剩既pizza做午餐... 同恩妮小姐兩份食... 當然佢又食細份我就食大份啦
... 食完之後我地就換衫行去附近既Post Office... 點解呢
因為恩妮小姐既男朋友寄左聖誕+生日禮物俾佢
... 其實早係星期六已經寄到過黎嫁啦... 因為冇人接郵件
... 所以要到今日先行去拎... 唔係太遠... 行十五分鐘就到啦![]()
入到去... 即刻拎郵件... 嘩
係一個10kg既郵箱
... 有冇咁重啊
點知一拎起個郵箱... 原來係好輕... 我地係Post Office即場拆郵箱
... 睇下呢份係乜野禮物... 當打開個郵箱既時候... 恩妮小姐個樣呆左
... 因為入要有一個金色既袋
... 裡面裝住一個Agnes b. 既袋... 哈哈
佢個樣我真係唔多識形容... 應該係開心到呆左掛
... 之後佢話我知佢有d受寵若驚既感覺... 哈
咁即係開心到呆啦... 我睇見佢收到禮物個樣咁開心
... 我個心都有d唔知點咁
... 係外國收到禮物的確係好開心... 其實我又唔係真係為左d禮物而唔開心
... 我都知我已經有好多個聖誕節冇收過禮物
... 又點會因為呢年冇禮物而唔開心呢
不過如果有禮物收... 一定係我意料之外既驚喜... 會開心死我既![]()
同一個開心到呆左既恩妮小姐行返屋企放低個箱... 恩妮小姐即刻要部相機同份禮物影下相
... 我都post出黎同大家分享下啦![]()
之後我地就搭巴士去Coles買黎緊幾日既野食... 都係買菜啊... 肉啊咁... 買完就返屋企... 返到屋企強妮李都未返到黎
... 之後過左一陣就返到啦
上左一陣網就煮飯... 各自各做自己野...
跟住... 又各自各訓覺囉![]()
早抖![]()
