喪癲玩轉Fremantle (1st Part)
各位好朋友... 今日既日記可能會好長
... 因為好多事發生左... 可能一篇entry都講唔哂... 要分兩篇entries慢慢講
... 我又想一一記低哂... 所以多謝大家對阿野生活點滴既留意![]()
長話短說較早前部分... 十二點十分起身
... 但要趕十二點四十分既巴士
... 所以好趕咁換衫... 最後都趕到果班巴士出city
... 之後轉火車去今日既目的地... Fremantle market... 時間夾得剛剛好... 一點四十五分到左Fremantle... 立即去火車站阿離既market行啦
... 因為果度寫住鬼咁大隻字 “Market”... 一定冇錯啦
行到入去... 嘩
都幾大嫁喎... 又幾多商行
... 我地係一間賣涼果既鋪頭買左少少手信... 我都買左兩盒紅莓乾+一盒蜜糖
... 佢地話原來澳洲蜜糖係幾出名既... 我今日先知道... 哈哈
之後我地行多一陣就去食飯啦... 呢度都有食野既地方... 於是我地揀左一個食小炒既鋪頭... 勁抵
只需要AUS$9...而d野食你隨意點加都得... 我就咁叫左五款野食
... 大碟到笑
食完大家都好飽... 仲有好多時間四圍行下... 於是我地決定去市中心行啦![]()
我地先係人地個market門口影左幾張相
... 再癲到係條鐵路上面影相
(真係唔知死
)
... 之後去左一個好似個城堡既東西... 嘩
嘩
超正啊
呢度望到一個無邊界既印度洋
... 係澳洲最想就係見到呢d風景
... 遲d同爸媽一齊再黎既時候... 一定要帶佢地黎呢個地方
之後我地落左去海灘... 梁氏I話要影低B相
... 見佢影得咁開心... 我又影埋一份
... 再逼蘇氏G影返落張低B相先走人
...
沿路跟住個海岸行... 個feel好舒服啊
陽光+海水+碼頭吧... 完全係外國feel既景象... 正
之後見到兩個銅公仔... 我同梁氏I又癲左咁影低B相
... 係咁影... 好似傻左咁
之後我地遠見市中心果邊有好多人... 就跟住佢地一路行啦![]()
喪癲玩轉Fremantle (2nd Part)
原本我地都知道宜家係進行緊Fremantle節
... 點知跟住果邊既人一路行下行下... 先知原來市中心係非常熱鬧喎
原來果度有巡遊表演... 好多人圍住睇巡遊
... 又有band sound show
... d外國人又跳下舞咁... 完全感受到外國人既文化
... 我地之後去左另一邊既攤位小檔行下啦
... 行左一陣抬頭一望
... 望到一度寫住 “Fremantle Market”
... 下
我地呆左
... 仲以為自己頭先行果度一定係Fremantle market嫁啦... 點知原來呢度先係... 救命
我地立即行入去啦... 都好熱鬧好多人行喎... 裡面有好多少數民族既飾物
... 好有特色嫁
之後再見到有間賣蜜糖既鋪頭... 見到一隻叫Creamed Honey既蜜糖
... 係香港就未見過... 佢地話用黎搽麵包食既
... 試過又幾好味喎
於是就買左一樽返香港俾媽媽試下啦
... 佢地鍾意食先再買多d返香港
...
行行下都差唔多五點啦
... Fremantle Market要關門大吉啦
... 於是蔬果部瘋狂勁減... 我地用左5蚊買左兩盒500g既士多啤梨
... 勁抵囉
我就買左一杯Iced Coffee黎飲啦
... 又好好飲喎
我地係附近搵左一個地方坐下... 飲完就諗住行去超級市場買米返屋企煮飯啦... 點知行行下又撞到隔離屋既情侶朋友
... 我地今日第二次撞到佢地嫁啦
... 好搞笑呢
我地坐低傾左一陣... 又一齊影左兩張相... 之後就各自走啦... 佢地係Fremantle食晚飯... 我地就買米返屋企啦...
中間我又發生左一件好驚險既事
... 搭火車去到Perth City... 諗住出閘既時候... 先發現自己個銀包唔見左
... 一定留左係火車度
好彩班火車未開出... 我用最快既速度好似癲佬咁
... 跑返去個車廂裡面... 好彩搵得返個銀包咋
搵返個銀包果刻... 其他乘客都為我好開心咁
... 又歡呼又笑... 好搞笑
我出車門果刻... 班火車剛剛就要開出
... 好驚險啊... 如果走左我就唔知係邊度搵返我個銀包好啦
... 不過係跑去火車果陣... 我跌左兩次
... 宜家對腳又痛又軟... 救命![]()
聽日又會有一批同學返香港啦
... 佢地分別係麥Chris小姐... 李金小姐... 費安娜小姐...(如果有留左冇提到的話就唔好意思啦
)... 祝各位返香港之旅順順利利
再祝係香港既生活開開心心啦![]()
今日個喪癲玩轉Fremantle真係玩到好攰啊
唔知聽日又會點呢
我知今日既日記好長... 但我覺得真係好精彩
多謝大家花時間去睇我今日既日記啊![]()
拜拜啦![]()
計劃有變 @City Tour
原本諗住十一點起身換衫
... 點知一醒果時已經十二點
... 明明校左電話鬧鐘嫁啦
... 唔知係我聽唔到啊... 定係個電話鬧鐘唔鬼響... 激死人
返到香港一定換鬼左你... 好
一起身就收到阿J小姐電話話佢宜家過緊黎我地屋企
... 佢話仲要黎我地屋企執一執行李... 咁我地原本既大計又再一次被動搖啦
... 不過唔緊要既... 因為J小姐今日要飛啦嘛
... 應該執齊執好自己同寄倉(我地屋企) 既行李既
就係咁... 我地係屋企就等J小姐黎我地屋企... 大約一點左右J小姐就到啦... 佢執到五十分... 因為五十五分有巴士出city
... 哈哈! 但搞笑在因為蘇氏G既小小意外
... 令到我地miss左一班車... 要等到兩點二十五分先再有車...
原本我地諗住今日去一個地方叫Fremantal... 呢個地方有一個好出名既market
... 但只會係星期五六日先開... 呢個周未係蘇氏G+梁氏I暫別珀斯既最後一個周未
... 所以好想去見識下呢個Fremantal market... 但由放呢個market五點鐘關門大吉... 我地又兩點半先出發... 所以我地決定聽日先再去啦![]()
搭兩點半果班車出city... 我地就同J小姐一齊食午餐
... 去到city都唔知食乜既情況下... 而J小姐又未食過珀斯既快餐
... 所以我地都決定去食中東包快餐或者Hungry Jack’s... 原本我都諗住食中東辣雞卷既
... 但最後我地發現Hungry Jack’s 有一個好抵既餐
... 只需要AUS$6.95... 就有四個items... 包括一個三層芝士漢堡
... 薯條... 汽水... 仲有曲奇雪榚
做甜品tim... 真係抵到爛啊
(用珀斯既物價黎講
)... 大家一路食一路傾計一路影相
... 食到三點半左右就走啦...
J小姐諗住搭穿梭巴士去機場... 但點知時間唔多夾... 所以佢都係好豪咁搭的士
去機場啦
未出發之前... 我地見到有個好Punk既男仔係街度表演管風琴... 好正
佢令到全場既氣氛都好好
係外國就係咁嫁啦... 好多時候都有好多技能人士係街頭賣藝
... 佢地又唔會hea表演
... 感覺一流
文化就係咁唔同嫁啦
開頭諗住聽管風琴既音樂係要等有死人既時候先聽到... 果d聲聽到都覺得慘
... 點知今日聽完管風琴既聲mix埋重beep既音樂... 出黎既感覺好正囉![]()
聽完之後...J小姐就要出發啦
係呢度
J小姐一路順風
... 一切玩樂順順利利![]()
我地係city四圍行下
... 蘇氏G有好多野要買
... 最後先係書店買左兩本雜誌... 之後去北橋買野食返屋企煮... 今晚食日式咖喱魚丸烏冬
... 好好食喎![]()
聽日繼續玩樂... 拜拜![]()













