獨自生活第一day
原來尋晚全晚都上唔到網... 好彩我一早就累到訓著左姐
... 唔係真係會悶死我... 訓到七點鐘就起身
... 因為幾日太多野做而冇打日記... 所以一起身我就打一篇日記先
... 跟住因為實在太冇野做... 於是未夠九點我又走上床訓覺
... 一訓就訓到一點鐘... 先彈起身換衫
...
今日下晝都幾熱下... 我諗都有32度
... 換完衫就搭巴士出city... 再轉車返UWA... 返到去就立即去圖書館print野... 之後去左買藥... 其間去左搵Ian問佢拎Communication Project既功課
... 仲問佢如果我地要retake咁點算... 佢聽到我話我地可能有好多人會肥佬... 佢個樣好似好愕然咁
... 叫我唔使咁擔心... 又話如果真係肥佬的話就立即搵佢傾下
... 佢話有方法幫我地去retake其他科
... 唔一定要讀果科黑人憎既core subject... 唉... 最好唔好肥佬啦... 唔該![]()
之後出返city豪洗錢啦... 我先去Optus增值... 用左$30澳紙... 再去Dick Smith買headphone... 因為我用緊果個無端端得一邊聽到... 所以又要買對新既... 同左$30澳紙... 再因為係玩浪既時候整唔見左副太陽眼鏡
... 今日又係target百貨公司買一副平平地既... 又用左$20澳紙... 最後係woolworth買黎緊要食既野... 又用左$25澳紙... 呢幾日洗錢就好似倒水咁
... 我希望之後既時間會洗少d啦
... 真係唔想洗咁多錢啊...
買完就一個人返屋企... 今晚開始我就要自己一個人煮野食
... 成間屋好靜... 靜到有d驚
... 不過我相信我好快會習慣嫁啦
今晚食煎豬扒意粉+白菜仔... 都唔錯既
食完就行出去打俾媽媽傾下電話... 因為留係屋企都冇咩野做
...行出去就當飯後散步啦
... 都幾好既![]()
咁就一日啦... 不過仲有好多日先可以返香港
... 雖然話思念是一種病... 不過我絕對可以應付到同對抗到呢種病既
早抖啦...
暫別好友三個月
玩完瑪利奧派對之後... 大家休息左一陣... 之後就換衫出發啦
六點半搭巴士出city... 我地先去Hungry Jack’s食一個好好食既早餐
... 我地都有飲咖啡
... 因為都好眼訓... 哈
食完之後就行去火車站等的士啦... 點知果度一架的士都冇
... 激死人
... 最後有一個好好既外國人好主動咁幫我地call的士... 真係好
準時八點鐘我地就上的士去珀斯國際機場啦... 兩位係的士裡面都訓著左
... 大約半粒鐘左右... 我地就到啦
車費係$32蚊澳紙... 比我地想像中平左少少... 哈![]()
去到發現原來都好少人登記上機... 所以好快到我地登記啦
開頭係屋企大家都好驚... 驚佢地寄倉既行李會超重
... 尤其係梁氏I個行李... 因為裡面有我10件冬天褸
... 真係好重下... 點知去到機場磅一磅... 嘩
梁氏I個行李係24.9kg... 蘇氏G個行李就21.5kg... 真係好驚險
因為超過25kg就會收錢嫁啦
... 梁氏I個行李真係計到盡啊... 哈![]()
登記完之後... 我地就拎住d 手提行李坐下啦... 坐左一陣... 因為我要趕返屋企換衫... 所以我九點左右就走啦
... 佢地等到十點就入閘上機啦! 蘇氏G... 梁氏I... 祝你地一路順風... 係香港生活開開心心啦![]()
就係咁... 我就開始孤身隻影嘈咁搭返機場穿梭巴士出返city
... 再轉車返屋企... 車價係$20澳紙... 坐足一粒鐘
... 不過見到珀斯本地機場... 外形有d似香港既客運大樓... 但當然細香港果個100倍啦... 哈![]()
陽光宅男 X 同印度洋玩遊戲
咁趕返屋企既原因係約左UWA朋友去游水... 原本約左十一點... 但之後改左十二點係city等... 咁我係屋企上左一陣網... 跟住由長袖衫褲變成夏日游水look
... 老實講係香港我應該唔會咁著出街嫁啦... 但身在珀斯就冇咩所謂啦... 哈
十一點半出門口... 十二點準時到woolworth門口等大家... 之後就入去woolworth買水買零食... 再去target買拖鞋... 因為都好抵下
$9澳紙有兩對... 我同恩妮小姐各買一對... 哈哈
之後再去Hungry Jack’s買$5蚊餐食...
買齊哂野之後... 我地就搭102去沙灘啦
不過個巴士司機真係勁串... 好黑人憎
因為我地唔知邊度落車... 又話唔敢保證可以叫我地落車... 又話強妮李蠢材
... 真係好過份![]()
不過唔好理呢d冇禮既人... 因為一個超級靚既海灘已經係我地眼前
出現啦
超級靚啊...![]()
我地事不疑遲咁拎部相機狂影
... 影到咁上下... 我地就換衫準備游水啦
我地先嗏防曬... 因為都真係好鬼曬... 望住個咁靚既印度洋
... 真係冇辦法唔落去游水
... 香港d海灘點靚都唔會夠呢個海灘靚... 海岸線長... 水清沙幼... 我係從來都未見過咁靚既沙灘
...
我一路企係個海中心大叫話要征服印度洋... 就一路俾d浪打埋黎
... 好搞笑
我同恩妮小姐...SYN先生玩浪玩到癲左... 最後我係大海中心遺失左我副太陽眼鏡
... 不過我都要繼續征服印度洋... 哈
今日我先發現原來自己真係身處澳洲... 之前淨係讀書做功課... 完全唔似係澳洲生活緊... 今日係印度洋游水個feel真係好正![]()
玩浪+曬太陽既時間過得真係好快... 話咁快就六點鐘
... 我地就執野換衫出city食晚飯啦
由於今次印度洋玩水之旅實在太好啦... 所以我地決定會定期黎呢個沙灘征服印度洋... 我地去TAKA日本餐廳食完晚飯
就各自返歸啦...
其實我因為皮膚敏感所以唔可以曬太耐太陽... 但因為實在太好玩
... 所以我就破禁一次... 希望唔會太傷皮膚啦
今日我呢個鐵人係冇訓過既情況下做咁激既運動... 返到屋企就即刻訓覺啦...
早抖啦![]()






