食餐勁night !!
由於我今朝十點鐘先可以正正式式搵周公傾計
... 所以一傾就傾到五點鐘
... 周公話廿四小時冇傾計係要傾到咁上下時間
... 唔係我就會好唔安樂
都講得好好既... 我絕對同意
... 都係周生最了解我![]()
講返尋晚個party... 雖然就冇乜野玩過
... 但總算係一班好同學好朋友聚埋一齊
... 係大家臨返香港既聚會... 到下次齊人一聚既時候
... 都要等到下年既二月尾啦... 時間真係過得好快
... 就咁係珀斯過左四個月... 不過唔知唔使返學... 同埋冇左另外兩位男士既生活... 時間會唔會過得慢d呢![]()
訓到五點先起身
... 一起身就要換衫出街啦
因為今晚約左隔離屋既一對情侶同我地食餐飯
... 佢地都係我地既舊roommates黎既... 所以係蘇氏G+梁氏I走之前... 同佢地食餐飯... 影下相咁... 於是七點正... 我地五個人係屋企出發啦![]()
今晚帶佢地食中國菜... 我地揀左北橋既聚龍閣中餐館食晚飯
... 我地點左五碟菜... 有麻香雞+鐵板星洲玉子豆腐+椒絲腐乳通菜+清炒冬菇荷蘭豆+薑蔥豬扒... 嘩
兩位外國人第一次學用筷子
同埋學左中國人倒茶既禮儀
... 好搞笑呢
個個都食到好飽
... 再加凍紅豆沙+凍椰汁西米露... 兩位外國朋友都係第一次食... 佢地似乎鍾意凍椰汁西米露多d喎
... 今晚大家傾左好多計... 食得又咁飽... 希望大家都食得開開心心啦![]()
食完之後就行去city既ATM拎錢... 其間發現city既聖誕裝飾著左燈
... 於是就影左兩張相啦![]()
今晚雖然冇做過好多野... 但總算係開開心心咁食過一餐好好既晚飯既![]()
![]()
鐵人既24小時
上回講到我三點半先訓
... 但六點鐘就要起身啦![]()
換好衫之後大約六點半左就坐巴士出city食早餐
... 今日都係去hungry Jack’s食中東飽早餐
... 都係咁好味
雖然只係訓得兩粒半鐘... 但都要將自己既精神推到最高
... 全程搭巴士同埋係UWA都keep住好精神咁溫書
... 溫到八點九左右... 我地就行去Fox Lecturer考試啦... 見到大家既狀態都幾好... 大家都應該準備十足啦![]()
打開份考試卷... 大部分同我估既係一樣
... 係有少少意外發生左
... 但靠臨場發揮都可以應付到既... 兩個鐘頭十分鐘... 話咁快就過啦
考完試感覺冇特別好興奮喎... 哈哈
可能好累既關係掛... 但考完呢個試亦正式可以同自己講... 呢個學期就正式完結啦
... 真快![]()
本身諗住去我地屋企開party... 但大家各有重要野要做先... 所以要到黃昏時間先可以黎到我地屋企開party
... 咁我地三個+SYN+麥小姐去City食日韓午餐... 呢間野叫做poppo... 我食左一個韓式魚生飯
... 都好好味喎
哈哈... 下次有機會再食過![]()
![]()
食完午飯... 我地五個人就去北橋唱K啦
... 由一點十分唱到四點十分... 三粒鐘裡面我地都唱左好多歌
... 不過可能好耐冇唱+唔夠訓既關係... 我今次確實唱得好差呢
... 希望下次可以唱得好d啦唔該
不過咁... 大家唱得開心係最緊要既
... 梁氏I繼續扮日本人... 唱大量日文歌... 唱到冇哂氣啊佢
... 最後唱抗戰二十年... 唱到大家叫哂出黎
... 可能好眼訓既關係... 唔叫下的話就會訓著嫁啦... 哈哈![]()
唱完我地就去買菜買零食返屋企啦... 其間我地接埋阿Jade同佢行李
... 返到自己屋企就傾下計同睇電視
... 強尼李同其他朋友大約七點左右就到啦
... 我地之後開始去買pizza同酒啦... 今次買左四個pizzas同埋一枝Vodka加半打威士忌可樂...
返到番黎就立即開始開始
... 影相
... 玩遊戲咁... 大笑大叫當然唔少得啦... 但大家去到點幾鐘左右已經支持唔住啦... 一半人訓著左
... 生還者只有蘇氏G+SYN+李金小姐+麥小姐+恩妮小姐+我... 大家玩左d好搞笑既遊戲
... 我地傾下計就傾到五點八... 咁全部人都去訓下啦
... 我訓下醒下咁
... 因為七點幾有一批朋友走... 十點左右又有一批朋友走啦...
今日係大家臨離開珀斯之前... 最後一次大型既gathering
... 我地之中分別會係17號... 19號... 21號
返香港或者去第二個國家玩... 希望大家一路順風![]()
自己計下... 原來都有超過二十四小時冇訓過覺啦
... 鐵人![]()
最後一日溫書第十一day
尋晚照舊都係溫到六七點先訓
... 訓醒已經三點左右
... 唔明點解宜家每日起身都係差唔多三點
... 好準時嫁喎
哈哈
... 起身之後就開始溫書啦
... 由於今日係最後一日溫書... 所以心情特別hea
... 可能我d假期mood已經谷到上個腦
... 冇咩心機去溫書啦
溫左冇幾耐... 我就諗住煮野食啦... 最後發現個廚房咩都冇哂
... 又廢事煮左d雞食... 最後得一個出前一丁
... 所以雖有食一個齋麵做我既午餐啦![]()
之後繼續溫書
... 溫書期間... 我都蘇氏G就係個屋企行黎行去
... 好似好唔專心咁... 但我覺得係我地想抖下氣
... 或者試下記野咁先行黎行去嫁姐![]()
話咁快就食晚餐時間... 八點三左右開始... 三個人一齊煮... 九點左右就食得啦...好快就有得食啦
呵呵呵
... 原因係聽日考試既關係... 大家都想快d煮... 快d食... 蘇氏G就可以快d洗碗... 大家又可以快d溫書
...
食完野當然繼續溫書啦
... 好彩過埋今晚就唔使再溫姐... 唔係真係悶死
當大家繼續溫既時候... 梁氏I突然問左一個令大家好不安既問題
... 呢個問題令我同蘇氏G都覺得自己溫錯左
... 討論左一段時間... 最後都決定重新溫過呢一個部分
... 唉... 令到我本身計劃有五粒鐘訓覺既大計完全被破壞
我要重新睇過新呢部份既readings... 好辛苦呢
最後我要廷遲到三點半左右先訓到覺... 但一陣六點鐘就要起身換衫返大學考試
... 只有兩個半鐘頭訓... 唉
... 而蘇氏G同梁氏I就決定通頂溫書
... 因為我皮膚點都要休息... 所以我點都要訓下覺嫁啦
...
希望聽日考試一切順順利利啦![]()






