99年7月14日香港 張國榮出席爾冬陞的電影《真心話》首映禮2

1999年7月14日香港 張國榮出席爾冬陞的電影《真心話》首映禮2

■哥哥畀面出席《真心話》首映，但就搶晒男女主角鏡，小寶嬲你好定多謝你好？

阿倫爆響口已錄合唱歌

哥哥拗頸：冇喎！

爾冬陞認真巴閉，前晚（1999年7月14日）其新片《真心話》首映禮星光熠熠，連久未露面的梅艷芳及張國榮也畀面出席。

張國榮是夜心情大好，但未知是否近日太忙，無暇睇娛樂版，所以連阿倫爆響口，話佢地已經錄咗合唱歌都唔知，竟然話根本冇錄過音，冇合唱過！咁同阿倫拗頸，仲話一曲泯恩仇添！

早前譚詠麟公開承認與張國榮合作錄歌，前晚哥哥卻正式否認，更話同阿倫冇碰過面：「可能會有合作唱歌嘅機會，但目前真係冇合唱、冇錄音，所以我唔知點解會咁傳！」

而哥哥更表示其執導的新片將有改動，可能唔用莫文蔚做女主角，「我有個更好更浪漫故事，會集中講感情戲。所以可能唔用莫文蔚而另覓人選，我好歡迎各位自薦o架！」

哥哥更推掉《星月童話》續集，而先接拍張之亮的《星光大道》及與陳果合作。

阿梅怕醜唔自薦

另外，小寶與梅艷芳自傳出緋聞後，首次合照，兩人毫無扭擰、尷尬，謠言不攻自破。

對於哥哥歡迎女星自薦作其新片女主角，阿梅則覺得是潮流問題，但自己卻冇膽嘗試：「我面皮好薄！自薦唔啱我！如果哥哥覺得我啱，自然會搵我啦！」 

東方日報 (1999年7月16日)

--------------------------------------------------------------------------------

■張國榮新片妙法覓女角

張國榮不愧為重友情之人，前晚（1999年7月14日）不辭勞苦連趕兩場，先去《真心話》首映為好友爾冬陞捧場，午夜時分又親自驅車趕去中環藝穗會，出席杜可風新片《三條人》首映後的盛大派對。如此奔波趕路，以哥哥現時的江湖地位，可謂十分罕見。

不用莫文蔚演

前晚（1999年7月14日）九時，《真心話》首映場合星光熠熠，熱鬧萬分，當張國榮突然亮相時，現場更為起哄，其後梅艷芳殺到，令到爾冬陞、范文芳、何潤東等雀躍不已。哥哥為好友打氣之餘，原來自己也十分忙碌，皆因今年親自執導的新片，近日突然有變面目全非，至於早前傳出的女主角莫文蔚，哥哥笑指已成過去，因為他已經放棄原本的故事，轉用另一個劇本，今次的故事更浪漫，愛情更為震撼，主戲落在男女主角身上。

張國榮坦言自己不會演出。由於女主角未有人選，哥哥聲言歡迎自薦，皆因許多事情要自己爭取機會。至於與阿倫合唱之事，張國榮澄清二人根本尚未齊齊合唱，兩人稍後才碰頭，大家合唱絕對無所謂。

令兩新人驚訝

到了午夜之後，張國榮終於又趕到杜可風的派對，雖然兩位主角許美靜及淺野忠信未有出現首映，但甚多圈中人捧場，包括吳君如、何超儀、葉童等等。杜可風心情興奮，特地將另一男主角奇雲沙洛介紹給哥哥，對方男扮女裝令張國榮忍俊不禁。

此外，爾冬陞新片《真心話》的男女主角，演技好評如潮，小寶更坦言希望二人能提名下屆金像獎。何潤東與范文芳在香港可說是新人，對小寶的說話受寵若驚。前晚舉行的首映禮上，小寶請來張國榮、梅艷芳捧場，令兩位新人大感驚訝，范文芳得知哥哥的新戲開拍在即，歡迎自薦時，更笑謂：「我好想同哥哥合作，自薦都冇問題，有係要自己爭取！」

太陽報 (1999年7月16日)

前記事参照
99年7月14日香港 張國榮出席爾冬陞的電影《真心話》首映禮1
http://ameblo.jp/lcing/entry-11296684394.html