收6卡鑽戒 不設防造人
Kelly喊住做劉太望廝守終老
20/06/2008
文： 專案組
陳慧琳（Kelly）男友劉建浩（Alex）以6卡鑽戒打動女友芳心，成功抱得美人歸，前晚Kelly在紅館最後一場演唱會上宣布婚訊，期間多次感動落淚，並向未婚夫許下愛的承諾：「希望我地一生一世愛大家！一齊到老！」
天后情路難行之說，看來要由Kelly改寫！前晚她在紅館演唱會上宣布：「我要結婚喇！」說罷忍不住喜極而泣，全場歌迷尖叫聲震天，Encore了三次也不願離去，Kelly感動得大叫：「多謝晒你地，後會有期！」
完騷後，逾百Fans跟著Kelly到慶功宴，祝福她覓得好男人，記者亦紛紛上前祝賀，並稱她做「劉太」，而她亦鬼馬地裝鬼臉回應，不過，談及求婚經過，她再度激動落淚：「有朝早岩岩訓醒，佢打電話黎話要去第二度做野，點知我一打開房門就見到佢，佢拉我去床邊坐，然後單腳跪低坃住隻戒指，我已經喊晒，仲以為自己發緊夢！我鍾意左呢個男仔十幾年，呢個男仔好好！」Alex以6卡鑽戒打動Kelly芳心，Kelly大讚他品味好：「隻戒指好靚架！係我爹果度買，貨真價實！」
酒店爆滿另覓佳期
問到對未婚夫有何愛的承諾，Kelly深情地說：「希望我地一生一世愛大家，一齊到老！」對於父親坦言恨抱孫，她再度扮鬼臉說：「盡快啦！都要有先得蕂！（婚後不設防？）係架！要造人！（生幾個？）生住一個先，睇下痛唔痛。」婚禮的籌備工作經已展開，本來Kelly希望在出生月份9月設宴，可惜酒店爆滿，要另覓佳期，她還笑言不會送禮給男友：「成個人送晒畀佢，仲送？大佬，仲想點！」
至於男主角Alex昨日透過Kelly經理人鍾珍回覆，表示十分開心：「之前都唔知Kelly會宣布，唔怪得鍾珍叫我唔好去，到朝早收到好多人恭喜我至知。父母都打畀我，話聽到Kelly宣布果刻，開心到腳震！」問到最愛Kelly甚麼，他說：「性格樂觀、可愛、坦白。」昨日傍晚六時半，他與陳爸爸、鍾珍及Kelly助手等先後抵達Kelly的加多利山寓所，其中助手手持多袋食品，據知是開慶祝派對，Alex甫現身即被記者包圍，他笑說：「停車場就唔好影喇！係影就影靚啲！」