上月看到《都市日報》一篇專欄，作者講述其同事見工的經歷。Interviewer問了一大堆無聊的問題，包括「如果你突然有重要事，但又約左男友見家長，咁你會點決擇呢？」
最搞笑是問：「如果係街上唔見左銀包，無錢坐車返屋企，咁你會點做呢？」
答：「我會打電話搵朋友幫忙。」
問：「如果無帶電話呢？」
答：「我會搵電話亭。」
問：「如果無電話亭呢？」
答：「我會咁咁咁。」
問：「如果咁咁咁呢？」（詳細內容已經忘記了，以上可能跟原文有出入。）
最後Interviewer問了一句：「你有冇諗過扮暈等街上人幫你呢？」
無奈並有點生氣，答：「無諗過，都唔會試！」
Interviewer聽罷呆看天花板一分鐘，然後Interview完畢。
最後作者的結論大約是「幸好這位Interviewer背後有一位能幹的妻子，才可以將公司營運好。」
草草看完這篇專欄，亦覺得該Interviewer好無聊。但現在回想，又發覺香港人原來很呆板。見工面試，期待對方問：「點解會選擇呢份工？」「覺得自己有乜野條件做好呢份工？」「Please introduce yourself in English.」等等公式化問題。當聽到「另類」問題時，便覺得對方無聊、玩野。
我們都習慣生活在社會建構下的框框裡，當要你走出框框，便會不知所措。要生活得安定舒適，就要乖乖待在框框裡，鄙視一切突出行為，並視之為痴線。容許我在受社會污染前大喊一句：「這種生活非常討厭！」要明白創意源於大膽嘗試及突破常規，對我來說創意不是生活的點綴，而是全部。人類懂得突破常規才會進步。因此當聽到Avril Lavigne高唱：「To walk within the lines would make my life so boring. I want to know that I have been to the extreme...I'd rather be anything but ordinary please.」特別有感覺。
話說回來，如果見工時要我回答：「點解會選擇呢份工？」我寧願認真地回答：「會唔會考慮扮暈等街上人救你？」