閱讀報告之棄坑篇 - 二十種語言，另眼看世界
究竟點樣先係一種好嘅語文呢 🤔
語言嘅功用同定位因人而異
如果有一種語文可以意簡言精但不失優雅，咁佢應該係我杯茶
應該係咁講，如果聽落去都唔順耳（嗯～我對呢方面就係咁主觀㗎喇～），咁又點會再想深究落去呢 😌
去完歐遊之後，覺得東西文化差異好大 - 彼此嘅風俗、飲食文化，甚至係語言都係唔同體系嘅
呢本書嘅作者係以西方人嘅角度去寫語言學
佢雖然精通16種語言，但係全部都係歐洲語言，所以對歐洲以外嘅語言認識都唔深
眾所週知，歐洲語言來自於印歐語體，劃分為羅曼語族、日耳曼族、斯拉夫語族
舉個例子，宜家最多人講嘅羅曼語就係西班牙文、葡萄牙文同埋法文
呢三種語文有無數相似嘅字根，其實係因為佢地出自於拉丁文 - 只要你諗到古羅馬嘅地圖，就可以想像到佢嘅覆蓋範圍係幾咁龐大
所以只要你嘅母語係其中一種西歐語，你會相對容易學到其他印歐語體
但作者一提起中文，就會話好難、好難，連字都認唔到
就好似以前睇過嘅一篇文章：「拼寫上，中文是表意文字、英文是拼音文字；聲音上，中文是聲調語言、英文是重音語言」
中文著重情感/意境嘅表達，而英文著重時態同埋質量嘅凖確性
簡單啲黎講，呢兩種語文係南轅北轍 - 未接觸嘅語文體系，當然會顯得比較難
語文唔止表達出情感，往往背後嘅價值觀同埋思維模式都係新手所不理解嘅
就正如封面上所寫：語言的稜鏡改變看世界的角度
有時放下自身的天秤，就會睇到更遼闊嘅世界
不過，談何容易呢？
P.S. 其實冰島文同捷克文都超難，單係發音已經發唔到
——————————————————————
冰島語的字母列表
Aa Áá Bb Dd Ðð Ee Éé Ff Gg Hh Ii Íí Jj Kk Ll Mm Nn
Oo Óó Pp Rr Ss Tt Uu Úú Vv Xx Yy Ýý Þþ Ææ Öö