呃，其實頭先突然諗返起，自己真係有曾經低能過囧rzzz 話說今日上高登（OK我好毒），
睇到d人講起中學雞果時做過d咩●街野，其實我都有呀！話曳就一定冇我份，
但係諗返起，最曳果時（雖然有限囉）應該係FORM 1-2？果然係好易學壞的年齡！（炸）
好彩果個年代冇得係咁上網，如果唔係上網亂識人的話真係可能學壞左XDDDDDD
唔係wor其實我FORM 2開始玩ICQ wor！（噗）唔係成日玩咁解je！
頭先諗起，我0係FORM 2係咪真係最曳ge一年呢XDD？當然0係而加d細路眼中真係碎料囉XD
我記得FORM 2中秋節左右，唔知發咩癲冇lala學人要染頭髮，仲想染紅色添！
但係其實我的中學真係算係一間ok嚴的學校，女校好難唔嚴囉，但係我都係照染，咩事？XD
染完之後覺得自己好似好型，其實諗返真係好低能囧rzzz 也沒有染到好勁啦，
0係太陽底下睇得出有染囉，平時都睇唔出的，但係好屎忽，又要染又要驚wor！！！！
好驚俾人發現，最驚俾屋企發現XDDD（→呢個人類反而唔驚俾學校知囉，搞咩呀？）
話說染左頭髮幾日，之後同屋企人北上，好驚俾大家知道染左頭髮！（咁你又染？）
所以就懶醒咁，0係書檯拎支墨汁整落頭髮度！（炸）諗返起真係好得人驚囉XDDD
個頭一舊舊咁，而且發出墨水的臭味！（科科笑）仲以為自己好醒ge踢高於是北上去～
仲要搞完個頭，整到屋企d牆都有墨汁！（逃）我唔知發生過咩事呀哇哈哈哈哈！！
北上途中開始發現自己好7，點算呀囧rzz 仲要好爆咁果日北上遇到我當年的暗戀對象XD
d咁核突ge野我諗應該冇人會去記住，我都冇記住ga，係突然今日諗返起囧rzz
除左呢樣其實我0係中學雞時代都做左好多低能野，例如鞋底俾我著甩左，我又繼續懶醒，
搵雙面膠紙痴住以為勁work，唔好癲啦姐姐仔XDDDDD 仲有死都要著短裙仔，
又要著又要驚俾人捉，於是出動扣針扣裙一招，但係搞到個衫領好高囉XDDD 好核突XDD
仲有果時以為遲到係好有型，明明冇野做屋企又超近，FORM 2最後幾日上堂，
我專登遲到orz 仲要係計0岩時間搞到自己遲到的，而加諗返真係完全唔知當時做咩囉囧
上左FORM 3之後因為遇到了偽少年男人們（誰），所以從良去XDD 但係錢就敗晒0係佢地度囧
不過不過都係句，同而加d死0靚妹比，我想當年果d真係碎料jeXDDDDDDDD（噗）
回憶完畢，以上。唔準笑呀（噗）