於是今日就超多人過尼，中午係東日文ge金子先生，下晝有神戶，夜晚係關西XD
中午返到去等左陣，金子先生就打尼，話到左噴水池，即刻出去接佢先！好耐冇見XD
上年遊學團見識過佢ge教學方式，好勁！真係好得！！（拇指）跟佢應該好多野學XDD
返到學校老細也在，之後帶佢參觀左一下學校，佢就同我地介紹東日文個新system！
好正呀！用來check發音的，真係好正！！好彩我都有4粒星XDD 學校都有的話就正了！
如果有呢個system的話，俾d學生自己上網login做練習好似好正，不過開發似乎好貴XD
另外多謝晒金子先生同埋羅san ge手信～雖然羅san買錯左俾我XDD 不過還是多謝晒！
呢個好好味的，右上角個朱古力三角超超超好味呀！！！！（拇指）
下晝3:00左右日野san佢地上尼～一開門一班人！（驚）唔係話3個人咩？？（再驚）
個狀況有少許混亂XDDD 首先係見到日野san+玉置san，仲有1個女人，應該係名古屋的？
仲有1個大媽，喔，上次0係橫濱放我飛機果間學校！（我好記仇XD）仲有個男人，你是誰？
成班人入左去1號室之後，個男人冇入wor，坐左0係受付，先知原來佢係唔關事的！
個男人係日本人來的，想0係澳門學廣東話，問我地幫唔幫到佢咁，咁我忙緊嘛，
所以PASS左俾CK處理囉！之後我入左1號室啦，事後聽返CK講，覆返佢唔清楚邊度有得學，
個男人用英文講YOU ARE FUCKING STUPID囉！哇哇哇咩事先而加？！（大汗）
如果係因為幫佢唔到，佢要咁爆粗的話，咁我覺得個男人都好FUCK囉真係！
呃，對了，成班人入左1號室，我都係唔多出聲得個聽字XDD 唔好叫我講野，我緊張XD
但係講講下突然個波拋左埋尼，我呆左囉XDD 完全反應唔到！（炸）最後老細打圓場XDD
之後佢地上左去睇課室，再同我講下學校資訊，下次有機會去名古屋果間睇下先！
喔～係MARY耶！唔係MARY姐wor！（噗）
好好味～不過冇我最鍾意ge搸子朱古力;口;
之後繼續忙忙忙～上完兩堂之後，14B班4B要提早落堂，因為關西有人尼左！仲要早到XD
落到樓下見到angel babe已經問緊noriko野XDD 好野你地慢慢傾XDD（拇指）
其實呢間學校我覺得真係唔錯ge，係一間可以長期合作ge學校，重點係：d人超nice！！！
即係咁多間學校，東日文其實我已經覺得佢地好nice，但係關西呢間真係nice到呢～
係咪因為係關西人的關係？XDDDD 呢間去得過ge babe！諗諗佢啦！XDDDD
then10月出發ge周嘉寶同學都上左尼問野，原來佢係呀鈴個fd耶！真係唔知wor！
佢好似ok多野擔心，不過佢有問題問日本果邊係好事尼ga！希望佢呢一年都讀得開心啦！
臨走前校長（理事長？）仲私人送左個奈良ge電話繩俾我，真係nice你呢！！！（拇指）
蝦條超好味！！關西限定果然係好強大！！！
對了，早排羅san問我想要乜野野食啦～我早排見到日本出左合味道杯飯耶！好想試！
之後拜託左羅san幫我買，佢似乎get唔到我想要ge野XDD 不過好開心佢仲記得！
呢個其實DAISO都有XDD 同埋白飯尼講佢真係好貴囉XDD