純粹記錄一下睇後感XDD 0係香港果時見到《秋田犬八千》賣廣告，已經有d眼濕濕XDD
冇辦法，因為屋企有隻王犬犬，所以難免會自動代入劇情！（炸）返到澳門見到上左，即睇XD
其實未睇已經知道個故事太概講乜，亦都知道一定會好摧淚！（淚目）
不過因為係美國改篇再拍，所以唔多唔少睇之前都有所保留，sui同學尋日話，佢睇左日本版，
日本版似乎拍得好好，仲要超級摧淚！我會唔敢睇gor wor囧rzzzzz（繼續自動代入角色）
一開始交待左點解ハチ會去左外國，李察基爾（教授）同佢點樣產生感情，都交代都唔錯～＊
但係如果對犬犬冇乜興趣，又或者本身屋企冇犬犬ge人，講佢地日常生活ge情節佢地可能會悶XD
ハチ有時俾人忽視，睇到好心酸，犬犬也會寂寞的呀！（淚）好想即刻抱住王犬犬～嗚！
最摧淚都係教授唔0係度之後，ハチ仲日日等佢ge情節，三大摧淚位都係0係晒後半part～
①教授個朋友，睇到報紙知道ハチ仲日日0係車站等教授返尼，於是教授朋友（健さん）
就去搵ハチ喇。因為健さん係日本人，佢用日文同ハチ講，話教授已經唔0係度，不過佢知道，
ハチ仍然會一直咁等落去，呢一幕真係超級摧淚！因為佢講日文，我聽得明！（炸）
同埋因為ハチ係秋田犬，所以日文佢好似聽得明，知道事實但係仍然繼續等！（淚）
②ハチ開始老，唔同之前好快咁跑去等教授，而係慢慢，慢慢咁行去，睇到好心up。
③教授犬犬最後重遇ハチ，呢一幕唔洗講啦？
由犬犬眼中睇ge野，一直都係黑白色，到最後佢終於遇返教授，畫面係彩色的。
現實之中ハチ都係同佢主人葬埋一齊，相信ハチ可以0係天國再遇返主人，一定好開心。
睇到下半part喊到停唔到，冇計，我家也有王犬犬嘛！XDDD 雖然我知佢唔會等我！（炸）
其實諗返，犬犬佢地將一生ge時間都俾晒我地，我地用個心同佢地做朋友，對佢地尼講，
已經係最好ge禮物尼ga喇！所以，唔好覺得犬犬係人類ge附屬品，而係朋友呀！
王犬犬由出世冇幾耐，已經由呀哥養，一開始我真係好驚佢XDDD 完全唔想接近XDDD
到呢兩年，開始0係我地呢邊住，同佢相處多左，耐左，開始培養出感情XDDDD
唔覺唔覺王犬犬已經5歲左右，一般ge犬犬都係10歲-15歲左右，即係佢已經過左生命ge1/3，
甚至係一半！雖然好驚有一日佢會突然離開我地，但係我地可以做ge，就係用真心對佢呀！
希望大家都會珍惜自己同犬犬相處ge時間吧！ｗｗｗｗｗ