嫌いボスの婚儀

星期日は社長のおとと婚儀です
Comparing to 彼氏のあねさんの婚儀...
みそしきです

又要發泄一下情緒

Prelude:
星期日是老闆細佬的婚禮﹗我不幸地被邀請﹐還要為新娘子做姊妹﹗
(老闆要求婚禮低調﹐但他的兒子已將喜訊告知全世界﹐還大聲地向全世界宣佈“到時早D到”﹗但無奈﹐你家人嫌貴而不願意請大多的親朋戚友﹗你阿媽用swine flu做籍口而拒絕請親朋戚友﹐我覺得你阿媽好偏心﹗當年你阿哥擺酒都25圍﹐但係你只係得13圍...what a pity!!)
(這件事件已被大家當作笑話傳開了)

重點:
1. unorganized
我已經好唔願意去呢餐婚禮﹐要我破費之餘﹐仲要我做姊妹﹖﹗我同新娘子都不是太熟﹗
都算啦﹗做姊妹當然要起碼同埋其它姊妹相量一下玩咩遊戲吧﹗完全沒有﹗
我都係結婚當日先知道有幾多個姊妹﹐玩咩遊戲﹗
我問姊妹們新娘子有否之前通知她們﹐答案當然係冇啦﹗
唔緊要﹐新娘子話已經準備好遊戲﹗
但係接新娘當日早上﹐遊戲物品係未準備好架﹗
都算啦﹗新娘子要求我向做遊戲解釋員﹗我"O"了十個嘴囉﹗
最後我做了全場總監﹐控制氣氛和場面﹗超無奈﹗

2. 開門利是
接新娘當然要開門利是和過姊妹關﹗我從沒見過咁cheap既新郎同兄弟﹗
開價少之餘又冇品﹗價錢呢D野緊係意頭﹐所以幾多$都唔緊要﹗
但係用了15分鐘去bargain﹐好誇張囉﹗
最後俾左$128開門利是﹗最估唔到開門利是會俾新娘子個阿媽收番囉﹗
WTH﹗我地個個再一次O嘴囉﹗我估唔到係Cheap到咁囉﹗
我覺得佢地Cheap到好樣衰﹗最估唔到係新娘子咁快就inherit左呢種Cheap精傳統﹗
都算啦﹗作為男家的兄弟﹐好應該參與接新娘遊氣﹗
大家完全係唔投入﹐唔團結﹐冇誠意﹗O晒嘴

3. 接新娘
我以為新娘子人品會比男家好﹐但原來大家都係半斤八兩﹗
最"O"嘴係新娘子唔當我地班姊妹係人﹗
當新郎哥接過新娘子後﹐新娘子說﹕你地其實可以走﹗
WTH??點呀﹖接左你就叫我地走﹖通常都跟埋去男家﹐斟茶﹐食下野﹗然後等晚宴﹗
但我大家都估唔到新娘子會係咁﹗
我地好有義氣既﹐自己跟埋去﹗盡番做姊妹本份﹗
新娘子不停叫我地晚宴先黎啦﹗好似怕我地會搞事咁﹗
太現實啦﹗接左你就離棄朋友﹗太唔專重人啦﹗

4. 午餐
做兄弟和姊妹既﹐晨做起身梳洗﹐為你地搞咁多野﹗
識做既﹐都知道會請大家食午餐啦﹗
就算唔請大家食晏﹐都應該準備一D飽肚食物呀﹗
WTH﹗咩都冇﹗又係斟完茶﹐大家各自各散﹗
最諷刺係我媽咪竟然係某間餐廳撞到新郎哥個大佬同一對夫婦朋友食晏囉﹗
後來﹐我媽咪食完野返屋企見到我﹗我將成個早上既接新娘過程說一次﹗
我媽咪聽完之後O晒嘴再加左句﹐唔係呱﹐姊妹利是要收番﹗唔係cheap成咁呀﹖

5. Reception
我不是被安排做Reception的﹗明明已經安排好每個人的位置﹐為甚麼我再次被捲入幫忙﹖我被同臺的朋友潤囉﹗問我有冇打卡~
這個婚禮的籌辦完全唔organized﹗攝影 - 唔pro﹔兄弟 - 冇品﹔Reception - 亂﹔場面控制 - 差﹔MC - 無聊﹔晚宴遊戲 - 冇人願意玩﹗數極到數唔完囉﹗
最差係﹐晚宴前﹐新郎與新娘要早到﹐安排架嘛﹗竟然遲到﹗仲要係1/6 guests came before they arrived﹗﹗好鬼樣衰囉﹗個個都問我地禮金放邊﹖唔知窩﹗禮金箱又未到﹐簽名簿﹐新郎新娘﹐主人家﹐通通都未到﹗真係給大家一個驚喜﹗

6. 人情
每個人都非常好奇我會俾幾多人情﹗講真﹗如果可以唔俾﹐又或者我唔係打緊工﹐我一定唔會去/俾人情﹗佢阿媽同我講話每一圍值幾多錢﹗$1000一圍窩﹗你咁講﹐即係逼我俾$100﹗但係我話你地知﹐呢餐一D都唔值囉﹗加上你跟本唔需要話俾我知你圍酒席值幾多錢﹗你係咪怕我俾得唔夠多啊﹖救命﹗我幾時先可以唔洗對住佢地啊﹖最令我加深對佢既不滿﹐就係俾我發現原來呢餐咁既酒席係唔需要$1000一圍囉﹗痴鬼線囉﹗我真係唔明點解佢要話俾我知值$1000囉﹗擺明係想借我把口叫每個員工俾$100人情囉﹗真係cheap精﹗

7. 安排
我跟本唔明點解呢餐飯點解值$1000﹗食個D野原全唔係上級﹗加上﹐個氣氛一D都唔好﹗﹗冇人願意敲杯﹗冇人願意想與對新人玩﹗超級唔好玩囉﹗我地個臺不停咁講是非﹗笑死我囉﹗最好笑係新郎新娘敬酒時﹐要播“帝女花”囉﹗笑死我啦﹗真係下鬼佬唔識野咩﹗原來阿新娘子鄉下唔興敬酒﹗真係唔知咩鄉下囉﹗你話“帝女花”係咪超低能﹖

8. Feedback
每一個人都問我個婚禮好唔好玩﹖我估唔洗再問到已經知啦﹗

Comment:
其實做到個婚禮咁寒酸﹐搞乜鬼婚禮窩﹗求其是但同居食餐飯咪算囉﹗我覺得好醜怪囉﹗咁寒酸﹐真係會俾人黯住半邊嘴笑囉﹗仲會講足一世囉﹗講真﹐其實唔只得我一個有呢D感想囉﹗再講﹐我諗有排都講唔完~~~