不知不覺兩個月了
一個人的工作假期
其實一d都唔孤獨亦都唔悶
因為每日除左返工之外仲有好多野要做
e.g.
1) 格價
因為帶來既$有限
搵既$又要儲起佢留黎遲d去玩
所以買一樣野之前要格價係必要的哦
哈哈!!!!
不過我係非一般既BP
大家買既都可能係最平/就快過期既
但我就係只要覺得值得既...就會買
食落肚/著上身架喎...為何要委屈自己呢
2) 煮飯
哈哈!!!!呢個唔使多講啦!!!
自己爬文睇番"涼子廚房"
3) 洗衫
每次洗衫都會好緊張
好期待可以好天太陽猛猛的!!
4) 跑步
雖然今日係第一次跑
不過黎緊會愈來愈多架喇
咁靚既天氣&環境
唔出去跑下步真係浪費
目標係一星期最少跑2次!
生活變得愈來愈C9
但訓多左...食得健康左
遠離電視
簡簡單單的反而更好更開心
黎緊既短期目標係練好我既LATTE ART
因為既然暫時改變不了返工時間既無奈
唯有改變自己既想法
善用EP cafe既好處
練好自己沖咖啡既基本工
同努力練習LATTE ART
為未來作好準備
我相信機會....只會留俾有準備既人!
呢排同LEO傾多左計
發覺佢係一個好棒既人!!!
一星期返足7日6am-2pm
如果我冇返工就只有佢自己一個人係鋪頭
廚房+收銀+執table+洗碗+prepare function
放左工之後夜晚又唔收$幫衰老闆手做Dinner果轉
連續3個幾月冇放過假
但都無咩怨言
我成日叫佢搵過另一份工
但佢話覺得呢個其實係一個學習機會
衰老闆既唔好令佢學到好多
衰老闆既懶惰令佢學到更多
將來如果自己開店唔好重複犯錯就可以了
仲話係到做野其實有好多好處
佢好愛呢份工
天呀!!!
我都就快俾呢個衰老闆激死了
佢依然可以諗到咁+ve
認真....呢個人既前途無可限量!!!!!!!!
俾個LIKE佢!!!!!!!!!
係佢身上
我學識了一個人叻唔叻唔係最重要
態度先係最重要
如果佢真係聽我講搵過另一份工
係....佢可能可以無咁辛苦
會多好多休息機會
人工可能搵得比而家多tim
不過學到既野可能就唔會有依家咁多
實戰機會可能近乎零
以前MAY同我講過
其實你做多幾年野
就會知其實份份工遇到既壓力同老闆都係差唔多
所以做人唔可以太短視
有時做生不如做熟
呢刻你覺得唔Work
take個break...抖一抖
可能之後你會諗到解決辦法呢
嗯....我開始明這個道理了