共5天4夜的旅程
氣溫普遍是 -13~-20度
凍到x街
不過終於親眼看到下雪
好浪漫~幾凍都值得
一行十一人 跟康泰團
真係冇下次
因為d野食係超級難食..
只得一兩餐是正常
而且日日都超早起身
around 7:15~7:30 morning call....
好辛苦~~~~
第一天:
搭的是12:00pm的飛機 坐korean air
個人認為d飛機餐好食過CX, 仲有哈根大師雪糕添
下機已經韓國時間 5:xx
坐巴士出首爾要一個半鐘時間......
所以晚飯後只行了一個叫新川的地方
就要回酒店了
第二天:
早餐竟然要搭車出外食
而且竟然食粥.....(間野好似叫北京唔知咩)
TMD千里迢迢到韓國食粥
仲要唔好食先死
吃完去DUTY FREE瘋狂購物
都離不開護膚品呀BB CREAM果D
買到好似唔使錢咁~
下午去了樂天世界............
主題公園........
真係大分之唔建議大家去
因為好悶
同埋因為好凍既關係
都唔係咁想出室外
室外既機動遊戲...我覺得HK果D仲吸引~
不過最滿意就係影到呢張相
跳起左, 好開心~~
4點多我地決定離團, 返酒店訓陣
起身就去搵野食
呢餐我認為係成個trip入面最好食果餐
而且5個人埋單都係三百幾
食完飯再夜d晚上出去飲
老老實實 多數韓國仔就算唔靚仔都好高大
我地求其搵左間CLUB飲野
我想講...唔知點解D Korean係男男女女分開各自各high..................
好守規矩~~~
第三天:
早餐實在係不值一提
我寧願返香港食大家樂
之後又去了買護膚品 =.=
個場係專for tourist的...又係duty free...又怒買
買完後就辛苦喇~~~~
要搭三個鐘車入龍平滑雪場...........
訓足全程
差唔多到時路經租滑雪服既地方
衫 褲 鞋 眼鏡 都可以租, 但手套及姐面果塊野就要自己買
\
滑雪用品店
晚上去了浸溫泉, 好普通, 冇咩好提 =.=
溫泉外~~~~通地雪
第四天:
滑雪的日子
好玩啊~~~
但先睇睇那天的溫度.......
首爾有-13度...龍平是-20度
頂硬上了~~~
滑雪場天朗氣清
so cute~~~
滑雪好好玩~~~但係想像下....行上去要10min...滑落去 1min
重覆多幾次真係累到死
這個大字其實是Kristin來的, 哈哈
滑雪後去吃了白烚火鍋
然後又坐返3小時車出首爾................
去看了一個搞笑表演
我和Kristin決定離團
和其他團友到東大門~~~~
到批發市場買衫去
批發市場開晚上8點半, 收凌晨3~4點
d衫係平靚正, 不過要逐間慢慢睇
有好多好fit既牛仔褲賣呀
不過唔係間間都肯比你買一件,有d要買2~3件先得, 要撞岩
好彩多數喜歡的都入手了
行到1~2點果時...
真係好x累
晚晚唔夠訓再加上朝早去了滑雪
我真係想就咁訓係地下算
但係都頂硬上!!!!!!行完批發再去24hr super market買野食
買左公仔面, 酒一支, 同埋人參味M巾
買到要pack箱
之後諗住終於走得啦...........
今晚間酒店位於仁川, 離東大門有約1.5hr車程
截了的士, 點知司機知道左去仁川咁遠之後唔載我地
好彩佢都幫我地call了另一架貴d既黑的...
成個過程雞同鴨講, 好鬼死好笑~~~~
跟住成個車程訓死左
最後落車埋單 77xxx won...
即約5百幾蚊...一人百幾蚊, 還可以啦
返到酒店整曬所有野已經4點幾...第朝又要7點幾起身
本身我同kristin都諗住唔訓
傾到6點幾...都係頂唔順訓著左
第朝一起身已經8點幾......!!!!!!!!!!!!!
即刻彈起身極快速執野整野衝出去....
放棄了早餐............
呢日我淨係記得去左明洞, 集合時間我記得係3點3
明洞通街都係the face shop呀, missha呀果d鋪頭
所以我又買左痴q左線
然後都冇咩好講~
搭飛機返香港
以上就是今次的韓國之旅既總結喇
下次點都唔跟團~
