經典至靚唱盤。呢個話題好多人都知一啲。不過由我講其實都啱，因為我都算買唱盤算多嘅人。
Technics SP10mk2 直驅最好賣係佢，因為當年佢都係大多數電台選用佢。呢部我係冇，不過我有過佢細佬SP20。我對SP20嘅聲係冇乜驚喜。近年佢都係差唔多價，冇乜升值。
Yamaha GT-2000 我冇呢部。不過YouTube上面有個韓國人用好靚唱頭玩佢既基本版已好好聲。近年呢部野係升值。佢不嬲比SP10mk2平，不過近年好多時已貴過Technics。所以我相信佢嘅聲係Technics。因為佢支臂係送埋嘅，呢同Technics近年因為唱臂升值已好難配到靚臂。
Garrard 301/401。呢部野以前曾經好貴。近年價係平返。聲嚟講係唔容易同啲乜都配好哂嘅GT-2000鬥。所以只適合已有十個盤嘅人玩。因為佢地已唔會有音質下跌既問題。如果你一步到位反而可能比好多錢，但輸比部SL1200GR就會唔開心。Garrard好多零件要fine tune，係唔會配好比你，佢多數用臂都係至貴既臂，仲要加埋SPU呢啲非常難玩嘅頭，新手真係唔建議玩。
Denon DP80。呢部我用緊係好聽。Denon啲盤好多個樣係一樣，所以點解只有呢部係貴。因為真係好聽啲架。近年DP80+DK-300 plinth+DA-309或SAEC407，已成為至貴嘅直驅之一。
Micro seiki BL-91。佢幾年前曾經平過，依家已升到頂班價。好多時係貴過普通既Garrard 401。係咪唔抵？呢樣嘢唔可以咁講。BL-91係連新手入都可以玩到好靚聲嘅belt drive。深受歐美鬼佬歡迎。佢冇跟臂，但配最平嘅臂佢一樣可以靚聲。佢甚至貴過一啲十年內既名牌二手belt drive。人哋個基本功就係咁靚。呢部我係有嘅。我仲有埋佢細佬BL-51X。
Trio/Kenwood。雖然我有一個mod版好聽。不過佢哋係入唔到hifido靚盤排名嘅。
Linn LP12。個價係唔升，但都係貴。個水準係二手經典盤係唔算太高。我建議都係買新LP12。因為個tuning真係緊要。如果真係想學玩軟盤，入多能力咪得，仲有一定要機身輕容易抬起教彈弓。今日見到超重嘅TD226居然平過支SME3010R臂，所以跌幅可以好驚人下。
Technics SL1200G。我覺得佢依家已經入到經典排名，雖然佢得幾年。但係史上最靚聲既SL1200早小小入排名都係得。一般嘅SP10mk2未必夠佢好聽。佢係行返GT-2000條路，一set配好比你。