到底我有幾耐冇咁大喊過⋯
冰成日同我講話女人嘅眼淚好珍貴，其實換到乜野？
人地嘅心痛、在乎、關心⋯一切都係片刻⋯熱戀先維持得耐少少⋯得失就係一下子。
但今次唔同啦，接受左改變就係痛苦嘅過程，喊完，發洩左，堅持行落去，總有日可以滿足到自己。
所以其實太「珍惜」眼淚，禁止自己有傷心、挫敗等嘅「負面」情緒，都會變成反效果，適時搵個方法調節自己啦，可能做喊包先係我本性？哈
自欺欺人都可以係好事，講大話就係最有力嘅催眠，為左圓謊，會不自覺地將自己變成大話中嘅主角，既然唔想執著過去，想像將來嘅美好，呃下自己都冇壞，反正日子一樣要過，而且世事冇絕對嘅全得或全失嘛。
出事先知呀哥可以好偉大
一直想男友體諒我情緒失控的因由、致敏原，到佢地真係明、識同我相處時，已經唔同關係，但反而有另一種安慰
喺我開口鬧時，呀哥意識到我情緒失控：「你需要發洩，我聽你講」，只係工作伙伴嘅Jacky都識第一時間道歉，佢地都唔會再跟住我發脾氣，唔會再認為我純粹鬧佢地，而係搵個原因，了解我發生咩事、嬲/唔開心喺邊，搵個方法令我對自己好⋯呀哥成日都話自己忙但盡量都回應我，俾我知佢係重視而只係冇時間⋯
「唔會走左去」就係咁極致，係一種心境，理解「笑唔等於正常，喊亦唔等於唔正常」，去發掘我內心情感⋯老套講，愛我嘅人先做得到⋯
講到「重要關頭」都可以「一時衝動」，唔理「失去我」呢個後果嘅，其實我自貶、自殘，甚至自殺都唔會挽回任何野，相反地討好亦唔見得換到「真心」，我無情、狠、唔念舊？咁我真想知「舊時」積落嘅情份值幾多先可以令大家放低「自尊」？仲有咩感情增進空間？點可以媲美「親情」？
你地放唔低嘅係自己嘅投放、得到嘅感情，我放得低係因爲冇將來，唔係我冇感情，更唔係冇投放，好多時係我投放最多添啦⋯我唔再勉強更多人黎愛自己。
相處唔到又冇實際行動學習相處，又表達唔出「在乎」，只有反證，郁啲玩消失，豈不是要求別人遷就？我「扮」消失太多次，就當係狼來了，不過係大家嘅思維從來冇重疊過，我承受到。