出事先知呀哥可以好偉大
一直想男友體諒我情緒失控的因由、致敏原，到佢地真係明、識同我相 處時，已經唔同關係，但反而有另一種安慰
喺我開口鬧時，呀哥意識到我情緒失控：「你需要發洩，我聽你講」，只係工作伙伴嘅Jacky都識第一時間道歉，佢地都唔會再跟住我發脾氣，唔會再認為我純粹鬧佢地，而係搵個原因，了解我發生咩事、嬲/唔開心喺邊，搵個方法令我對自己好⋯呀哥成日都話自己忙但盡量都回應我，俾我知佢係重視而只係冇時間⋯
「唔會走左去」就係咁極致，係一種心境，理解「笑唔等於正常，喊亦唔等於唔正常」，去發掘我內心情感⋯老套講，愛我嘅人先做得到⋯
講到「重要關頭」都可以「一時衝動」，唔理「失去我」呢個後果嘅，其實我自貶、自殘，甚至自殺都唔會挽回任何野，相反地討好亦唔見得換到「真心」，我無情、狠、唔念舊？咁我真想知「舊時」積落嘅情份值幾多先可以令大家放低「自尊」？仲有咩感情增進空間？點可以媲美「親情」？
你地放唔低嘅係自己嘅投放、得到嘅感情，我放得低係因爲冇將來，唔係我冇感情，更唔係冇投放，好多時係我投放最多添啦⋯我唔再勉強更多人黎愛自己。
相處唔到又冇實際行動學習相處，又表達唔出「在乎」，只有反證，郁啲玩消失，豈不是要求別人遷就？我「扮」消失太多次，就當係狼來了，不過係大家嘅思維從來冇重疊過，我承受到。