尋日放左學之後去銅管, 唔使聽個咩珠海咩講座~
點知練完band之後韻璇突然同我講話尋晚要去聽音樂會..
我都係果陣先至知...咁就跟埋去聽啦~
果個音樂會叫做"港樂‧星夜‧交響曲"
, 係唔使錢架~~
有成一萬五千幾個人去睇~~係紅磡碼頭整個露天舞台~
我地七點幾到左~等到八點幾先開場~~
哇~~~超正呀!!!首首歌都超好聽!!
第一次見識到一部值五百幾萬
既小提琴奏出黎既聲~
呢部小提琴係由小提琴家呂思清用黎演奏梁祝~
真係好特別~d聲實好多~又柔和~
好聽到唔識點形容~
可以係幾廿支小提琴一齊奏樂既時候都聽到呢部琴既聲~~
入面個個樂手
對於我黎講都可以算係神級...
我地幾時先會去到咁既境界呢...
不過咁多首歌當中我最鍾意孔雀舞
第二part果隻歌~
雖然隻歌好長好多重複既拍子,但係果種層次真係好鮮明~
我聽到中場休息果陣已經胃痛
...唔好搞錯啦..我有食野架...
之後死頂...好彩我捱埋佢咋!!如果唔係!
我就睇唔到完場果幕煙花啦!!!
真係超精彩呀!!!
超超超超級抵睇囉!!唔使錢、有名家、名提琴、名指揮同埋世界級樂手~~
如果有VCD出我一定第一時間買!!