海洋公園

今日同小葵, 山田先生, King去海洋公園玩

好耐冇去過玩啦~~ 做野就上兩個月去過
一早10點就入到去, 行左新果個水族館
真係好大同好靚... 不過又好似差緊dd野咁






之後行左去兒童王國... 我地四個玩個什麼呠呠火車頭笑到傻左

再玩旋轉木馬... 都未見過d人玩木馬玩到咁嘈架...


行埋熊貓館... 果兩隻小熊貓真係好鬼可愛



不過條香港老大街就好失望囉...


得d外觀似, 內裡都係遊戲counter... 一碗麵要五十蚊, 貴到喊...

兩點幾先上去山上面睇表演

唔明點解d人係都要開遮... 遮鬼住曬後面d人...

好鬼死貴咁食左半隻燒雞

食完睇完中華尋就開始我地玩命之旅了~~

終於玩過飛天鞦韆...
再來過山車... 不過好似唔係好刺激
海盜船真係唔坐頭尾就唔好玩
跳樓機... 人家未睇完風景就跳左落嚟啦...
越磺飛車重好笑... 我地張相好似訓左一樣

第一次坐滑浪飛船船頭... 一開船條褲就濕左啦


跟住緊係去太空摩天輪fing乾啦




5點幾先開始玩新game熱帶激流... 又濕多次身...
呢個game有樣野好玩係d人可以晌上面射水~

行下個熱帶雨林館

之後去左坐新過山車... 一開車個地板會唔見左... 勁驚呀~~ 全程勁叫勁好玩


last一個game玩左翻天覆地... 本來轉下轉下都冇咩問題, 跟住fing你360度頭向地下
又係叫足全程... 幾大膽嘅人我都覺得佢會大叫囉~

玩完呢個就已經7點啦... 我地重有兩個game未玩... 重未玩碰碰車同行水母館




之後去左旺角打邊爐... 攰到傻

苦惱

落完雨濕氣好重的一天 (￣_￣ i)
我地又出發去搵景
先去左大埔傳聞好耐之前大水沖走過人嘅引水道... Σ(ﾟдﾟ;)
條路勁濕勁滑, 講真我冇本事走入去
咁難入嘅地方, 我唔覺得入面可以set到野, 而演員又會同你走落去拍囉... (/ω＼)
之後又入左去沙頭角...
行左一個早上, 一腳泥咁走 Σ＼(￣ｰ￣;)
之後晌車訓左一陣, 又入去下白泥
佢地又話有d廢屋, 我淨係見到d漁塘 (*´Д｀)=з
以後都唔知信唔信佢地講野好
浪茄又話有, 問題係浪茄係郊區唔拍得夜戲, 而且車又入唔到 ゛(｀ヘ´#)
今日重去左兩間廢校舍...
兩間我都其實可以話去過
一間係IVE時代去過... 聽講友人拍到d野 Σ(･ω･;|||
另一間就唔知好似上年有班人入過去又話見到野搞到入左醫院 Σ(~∀~||;)
見工果陣好似冇話要去搵鬼屋架bor... ヽ((◎д◎　))ゝ
之後去搵另一個引水道
不過而家水深左, 又圍左欄... 又入唔到
唉~ 車上三人都為冇功課交而苦惱呢... ((＞д＜))

hei搵...

上星期五俾高層一腳伸返屋企休息...
結果星期五同六做左眠狂四郎 (喂!
星期一返到公司... 總導好心急要個主景...
問題係我冇idea點去搵到佢出嚟...
今日去搵景

有dd hei搵...
收穫唔太大, 不過而家搵景有個好處
就係基本上可能搵到d景又可以好平咁拍...

如果係同一個景, 我諗如果話係廣告又未必可以拍, 拍又可能貴一倍...
下午行過某地見到有個總會... 走上去問下佢幫唔幫到我
結果話要一封好多資料的email...
基本上我唔想send, 因為我都係拍兩場戲又唔係拍一套戲
點解要咁麻煩...
不如諗下果個主景點算好...

晚上去左食日本甜品...
今次是白月三色... 豆腐, 燒丸子, 福餅
... 不是我杯茶... 下次試其他