真心祝福你地幸福快樂...

足足一個月有多冇打blog...
因為實在太忙又太重覆
反正都係搵景又ban景又俾人屌
唔記好過記
不過今日一定要記一下
一個月前約左大小姐去廸欣湖

當然係受人指示啦~~哈哈
雖然我係會四圍去
不過去咁遠我會選擇平日去 =v=+
今日大小姐遲左到
快快食左個tea... 章魚燒+燒餅
之後就坐巴士入青馬
其實同我地plan嘅時間差不多時間到達

去到先騙佢去廁所

之後冇啦啦話要踏單車...囧
帶佢去到單車, 明明放左佢地本書晌度, 佢都唔睇, 打算就咁走左去

好彩我死都唔走, 佢先打開本書, 先知中左計
一邊做柴可夫車佢去佢老公度
一邊接受佢d朋友仔嘅祝福

終於將大小姐送到目的地
佢老公講左一段仔話, 其實... 我miss左d野, 掛住整野

之後陪佢地遊湖一圈... 跟住又收到個電話將我嘅心情一下子拉回谷底

沒錯, 又是工作...

之後都沒心情拍照... 真的不好意思呢...

晚上跟二人晚餐... 早知4個人食2人半份量就夠就唔叫4人份量食物啦...
結果都係我地兩個男丁清場...
好飽...
最後真心祝福你地幸福快樂...

26歲來了...

唔... 又半個月冇打blog...
呢兩日都慶祝緊生日... 點都要記一下
13號本來plan去跑景一日... 點知plan好曬先收到電話要返公司開會...
其實佢講d野... 唔太關我事
不過都好過個PA遲到... 完左個會我講左我要出去...
下星期一要call車去睇景
點知當我坐緊車時收到總導電話... 佢屌尻我做咩唔同導演傾星期一睇景d野
我想講我約好曬d地方plan好曬時間, 你已經冇啦啦要我返公司用少左兩個鐘去搵景
不過我冇出聲... 吞左佢...
經常都係咁... 我講過d野, 又唔信, 又唔聽, 更唔好話說服佢地用某一個景...
下午終於confirm到星期一睇咩景, 打返俾導演
佢同我講... 你唔早d打嚟? 過曬鐘人地唔理架啦, 我地要自己坐車啦
我想講我一早講左要去個山長水遠景...
係你地又唔理又話去兩個景call車好浪費...
時間你又唔俾, 我又點plan呢... 唉, 都係唔出聲吞左佢好過
同呢一team人做野真係... 都幾惡頂, d大嘅又唔聽講, d細嘅態度又差到好想打柒佢

晚上跟蘇菲一班食生日飯, 好開心, 真係好開心

太耐冇見佢地幾位, 而且可能因為有比較
我真係覺得佢地對我太好啦

佢地咁忙都出嚟同我慶祝...
最重要係兩年都係佢call人嚟, 本來唔舒服話唔嚟之後又嚟嘅dordor...
如果唔係佢幫我call... 我應該都係自己一個人食飯

我地好開心咁食左一餐日本餐... 之後又食左甜品

從前我唔識珍惜佢地, 經過兩個月嘅大海...
我先知佢地對我係非常之好...
我知佢地以前對住我都好辛苦啦
希望將來我地再合作時, 唔係佢地幫我搞返好d手尾, 而係我可以幫佢地分擔一下佢地嘅辛勞

14號正日... 先約好了小葵與King去食醬油麵...

真係唔錯, 不過真係有d貴...

其實我都想得閒就去唔同嘅拉麵店, 但係真係貴左d




之後去左AKB店玩左一個鐘... 好毒


跟住同一大班人去食放題... 之後飲酒傾計傾到兩點幾


講左好多一大班人唔會傾嘅話題... 呢d先係開心嘅酒局

15號與友人睇春嬌與志明
忽然之間, 覺得自己同張志明都有好幾處相同嘅地方...
不過志明有個春嬌, 我個春嬌又晌邊呢??

灰...

又一次日記變週記... 呢個星期好精彩

先係27號出海睇景... 唔知為咩船行左兩個鐘
勁大浪咁去左咸田灣, 跟住上唔到岸又返左去西貢海

俾人鬧我唔清楚d位... 我唔係行船架囉

如果我睇到個島就知咩名... 我應該去左做海賊王而唔洗受你氣

28號就同導演去左睇景... 好彩有d都叫收左貨囉...
29號早上又俾人插話我搵唔到劏房
走左出去土瓜灣個押業商會又冇人

行左成個土瓜灣同九龍城... 唔係冇房就係我一講電視台就收我線
如果當我真係租都要成千八蚊個月, 重要簽3個月...
佢地咁把炮咁撚多野講都唔見佢地搵到...
30號去左同總導睇景...
又話我唔撚介紹佢俾人識, 又話我唔ready地圖俾司機, 重屌我話做咩間屋有d房唔拍得睇嚟把撚浪費時間
重要睇睇下鬧做咩冇得睇菲獵牙科... 人地組都睇撚左
第一, 果個人唔係負責人, 只係幫我地開門開燈... 我介紹完都冇撚用
第二, 我其實係ready左地圖, 但估唔撚到司機連條大路響邊都唔撚知, 叫我點指俾佢
第三, 果間屋以前係拍得房, 而家唔撚俾拍, 然後你個導演又話拍唔到屋都睇下個花園咪俾你地睇囉
第四, 果日個行程差d連飯都冇時間食, 而且我忙到連做paper work嘅時間都冇
叫我點安排你去睇一個跟本連房都唔俾你拍, 點睇都唔似急症室嘅地方俾你睇呀?
你又話個副導俾過個web site我睇... 我見到未撚見過囉
另一個新來的電影人質問我點同d景傾價錢, 俾人開我5萬銀24個鐘
其實果一間係深山豪宅, 除返開係二千一蚊個鐘... 其實我又覺得好正常
只係你地冇人可以拍足24個鐘
而且我又同人地傾緊個package價... 都未問好你就暗屌我
結果又上山又下海, 俾狗追, 俾蚊咬咁過左呢個星期

最多撚謝曬係今日一早起身就收到call又屌我申請呢個景果個景... 唔撚理, 申請清明, 叫佢地有乜撚野拜山先講...
星期一唔撚返公司, 如果call到果堆屋可以去睇的話...