寶安縣

【講開有段故】寶安縣即係宜家嘅邊個地方？

阿史記得以前讀書果陣，要填個人資料都會問到藉貫喺邊度，而班上唔少嘅同學都係答「寶安」，到底呢個地方又喺今日嘅邊度呢？

寶安即係廣東省嘅其中一個縣，早喺秦到東晉嘅時候就已經設立，係屬南海郡番禺縣之內，而去到唐朝至德二年就廢除咗寶安縣，將原本嘅範圍納入東莞縣轄。但係，去到明朝，就有一位南頭嘅鄉紳吳怍就同廣東海道副使劉穩陳請要求復縣，縣名「新安」，寓意「革故鼎新去危為安」。於是，去到萬曆元年東莞縣就拆出嚟建立新安縣。好景不常，復縣唔係好耐之後，清朝年間就為咗對抗明鄭政權而下令遷界，令到新安縣人口嚴重流失。

嚟到民國初年，新安縣就恢復舊稱寶安縣，屬惠陽專區管轄。至於清朝果陣新安縣嘅地理位置上，就即係香港全境、深圳市大部分地區。1979年，寶安縣撤銷改置深圳市。