2014年3月15日
今天有兩個任務。
第一個就是出任網球教練，正式開授第一課授予Helen，好開心有咁既機會去教波，讓我體驗一下自己好憧憬既未來、自己其中一個既夢想，就是做網球教練。今日我的確有準備一下個課程架，希望Helen 上完之後會得到D野，我盡量也灌輸網球知識給她，我也很感謝她願意做我既學生，而且仲好願意去學，好有心，這是滿足感既來源之一﹗
雖然自覺還未夠班做得起專業，但是教完這一堂之後，真的使我興趣加大了很多﹗今天可說是濃縮班了，希望Helen 會學到野，並且會繼續打落去，咁我就安落了。
我番黎一定要做網球教練﹗原來利用自己既經驗去教識人打波果種感覺係咁美妙的，何止是打波的技巧，加埋網球的哲學也是很令人敬佩的﹗
在此我也要感謝我的恩師 - 黃樹安老師，是他教曉我網球技巧，並且教曉我很多人生道理﹗我要做教練也是以他為榜樣的﹗
落堂之後，Helen 話要請我食野，我地就行番去新城巿廣場搵野食。沿途中同Helen 傾下計，發覺她也是一位很正面的女仔，平時番工時的她已經是大癲大肺，常常笑住的人，再跟她傾多D其實都係這樣的人，只不過原來背後都會有好多辛酸事，但是她也會笑面以對，非常豁達啦，跟這種爽朗的人相處真的很舒服﹗
佢又係好鐘意費達拿，咁就arm key喇，哈哈，要等我番黎再教波呀!!
第二個任務就係跟Johnson Jessie Caris Shirley 佢地食飯。好似好耐無見Johnson 咁，每一次見佢就每一次覺得佢愈黎愈成熟，有左老婆果然係會唔同D。點解咁講，因為每次見他都聽到他也在不斷改變緊，佢係為老婆為個家不停咁去改變，而且會放低以前既缺點，慢慢去改好，愈黎愈有男人味﹗可以為一個家庭為一個心愛的人去付出，這就是男人的幸福呢﹗
希望佢今次既轉變會令佢地既將來會更加美滿啦，雖然每一次變都會遇上重重考驗，但是如果堅持下去，加上另一半會在旁支持的話，一定可以捱得過，創出一條路來的﹗加油呀Johnson，我也要加油呀﹗
至於Caris ，好明顯她已經是一位幸福少奶奶，再不用擔心她了，現在只是祝福她已經足夠了。下一次見她也不知道是何年何日了。在加拿大生活保重了﹗