起點：道の駅豊栄
終點：道の駅国上
行走時間：約4hrs (實際踩車時間)
行走距離：69.78km (實際踩車距離)
路線概述 : http://yahoo.jp/-E-Tec
景點Explored : 信濃川，三条巿咖喱拉麵，国上山
記事、趣聞：
今日要去食咖喱拉麵喇，推介老舖11點先開，而車程大約三小時左右，咁我就預番七點半出發。在大地中踩車真係好輕鬆，基本上唔吃力添，而且條路又廣又闊，VeryGood。比原定快左，咁就比自己途中休息下，停下抖下，11點半到左舖頭，有點期待架!!
本來諗住淨係食咖喱拉麵，但唔知做乜事，屎忽痕叫多個餃子食...仲要唔平...得六隻....叫左有點後悔...哈哈，當獎勵自己啦又。碗咖喱拉麵就正啦，成碗湯都係咖喱黎，唔潔架喎，稀稀地，但又夠味，再落七味粉，正!! 專程黎是值得的，一嚐新潟名物!!
食完係正午十二點幾，熱到火滾!!!! 無理由在這時間出發丫，又唔係趕時間，無須咁急，所以去左附近Aeon商場行下，價錢完全唔夠琴日果間Super Center揮，連Aeon都唔夠佢平啦，無敵架琴晚果間真係!!! 跟住嘆下冷氣，訓下晏覺，三點先出發，嘻嘻。
踩多一個鐘路就到了道之站了，有點舊的道之站，無所謂吧，訓一晚而已，不過佢有個足湯喎，收九點，可以浸下先訓覺，晚餐係同琴晚一樣，食埋最後一舊雞扒。飽到想嘔....
未來一星期都十分之好天，即係熱到爆，無必要既話，盡可能我要中午之前完成車程，唔想中暑呢。
後記：近來香港發生左好多事，一浪接一浪咁，本身很少關注時事的我都留意多了，亦都睇左好多報導、文章，有點感觸，想在此表達一下自己的看法。
我並不是要跟中國作對，也不是要與中國人為敵，因為我覺得他們也有好的一面，有好的一群，不能以一竹篙打一船人，也不懂什麼政治關係或利益，更加不是什麼黨派。我的理念好簡單，只係想做番香港人，並且希望下一代繼續傳承著香港自己獨特的文化，建設香港的未來，發亮一直以來香港自己創造的光輝。
回歸以來，看著香港原來不驚不覺已慢慢被蠶食左15年，好後悔現在才發覺，現在真的要醒了，要動起來了，不能再坐以待斃，香港人要阻止再被蠶食了，我們是可以自食其力的，因為我們是香港人!! 現在醒覺還未遲的，我們要一起合力悍衛香港自己獨特既色彩!!
現在身處日本，相比之下這裡好像感覺好好多，生活簡簡單單，起碼佢地人與人之間的相處沒有那份冷漠，有的是親切、樸素呢。老實說，真係有諗過如果可以響日本生活就好了，但係最終我仍覺得我係香港人，香港是我家，日本是留給我去旅行的地方已經好足夠，所以我一定會番香港，不過我不希望番到香港感覺唔同晒，我們是時候要醒了，我還希望回來的時候有能力可以盡番香港人的責任去保護我們的家!!
早餐： (¥0 公仔麵)
午餐： (¥750 咖喱拉麵+390餃子)
晚餐： (¥0 白飯+咖喱+炸雞扒)
額外支出： (¥196 鬍鬚佬薯片)
相片
早晨
福島潟閘口
信濃川及其大橋
又係信濃川@XX橋
推介老舖
正!!
道之站足湯，收九點，浸完先訓