拍出黎係流暢，算好睇，但係精彩到盛讚拎埋獎，唔明。
又係故事內容空洞無物。
勉強分成三節，第一節男女主角相識到結婚，用左一個鐘。
聲色犬馬，不停轉景，就係好奢華好FUN。
然後，無然後。
男主角擺明係個屁孩，女主角性格心理？通通欠奉。
即係要人先入為主「覺得佢係雞就貪錢，其實佢係想要真愛」，然後迫人改三觀「承認雞都人權」，再夾硬講道理「唔好睇死低下階層」？
最撚憎呢啲無頭無尾既編劇。
呢一個鐘勝在剪接得好，無太過疲勞又表現到上等人同下等人一樣無腦既心思，未致於心急如焚空等屁孩幾時玩完。
接住第二節既搵人情節就，好壞參半。
好係意料之外，無啦啦成個方向轉晒，同時人物既刻劃同互動好有趣。
問題係成件事太騎喱，一班卡通人物走黎走去搞破壞，但係又共情唔到個BIG BOSS有咩咁惡，令一班唔係土匪既惡人咁煩躁，係都要搵返個人出黎令上頭息怒。
與其話脫衣舞孃飛上枝頭係童話故事，更超現實係呢一段睇落好惡既人一啲過火既舉動都無，純粹用把口去勸人自願簽紙取消婚姻關係，個主教又狗改不了吃屎係餐廳教化後生，光頭佬基下基下又鐘意左條女。。。
最後一節當然係情理之中，屁孩塞返入阿媽個窿度，ANORA執返尊嚴簽紙「離婚」。
反而觀眾覺得呢種「常理」係「不合常理」，所以「好好睇」，到底發生過什麼事。
基本上全套戲落黎我得兩個疑問。
- 個老豆點解咁憎佢老婆，要發晒神經咁恥笑佢？
- ANI做乜咁討厭ANORA呢個名？