遲來的記錄。
一直無寫，不覺係一齣好戲，偏偏心有念念。
一大堆頭夾硬既背景同設定：過份強調又不見特色既地域Cleveland﹑隨便地遇上一個女人隨便地再遇隨便地日日約然後互生愛情線﹑老母既第二春係個古怪男，同主角群生出不知所然既衝突。
離奇地無礙主線進行，聚焦講到主角死老母後既，調適。
呢類型既片通常都出名在情深，未必類近，諗到既比如《Manchester by the Sea》﹑《After Sun》。
人總係鐘意販賣憂傷，尤其是藝術家，剛剛睇既《朴夏京旅行記》一集亦如是說。
所以此片《The Good Half》並不深刻。
尋常地男主角有自己既人生，無能係老母病時在身旁，直至奔喪。
平凡地為左逃避情感，將一股悶氣發係身邊人身上，特別從不討好既繼父。
合理地一直看似堅壯地打點一切既家姐終於有爆發既MOMENT。
各種稍嫌戲劇性重但並不脫離現實既插科打諢之後，喪禮並不美好地完結。
主角既情緒亦開始放開。
一樣米養百樣人，唔知算係average定以上以下，生老病死都係係日常之中消磨，邊得黎咁多喊生喊死﹑苦口苦臉。
係依然傷感既狀況下能夠生出結尾一段男主角﹑家姐﹑老豆，一齊偷入繼父屋企偷走老母偷返黎既杯，趣緻得黎又不太荒誕，彷彿好好地叫人笑著去懷緬﹑回憶。
The Good Half，好既一半因為有你；失去你之後剩餘的一半，你依然要好好的。