難得好睇既港產片。
唔賣慘，唔賣笑，唔賣情懷。
調色睇得成件事好舒服，定調文藝得黎好輕柔。
由台前到幕後都係新生代，令套戲更加有魅力，無左陣老人徐。
重要既係，演員既戲好睇。
監製陳果係訪問到似乎唔滿意出黎成果唔夠，商業？倒想知黎到呢一步佢同導演之間既角力係點，要平衡到件事出黎順眼唔係咁易。
衰就衰在結尾超現實主義完全唔夾，唔單止抛棄前大半實淨既故事敍述，更比人莫明奇妙既感覺，徒具空念。
個人最鐘意既設定反而係張毓軒個角色。聽住黑膠拆人件CHILL到爆。試想想連佢係個善良孝子都表達出黎，突然間爆晒底底係幾咁MIND BLOWING。
值得一提係主題曲幾好聽。而個作曲者有另一首好欣賞既電影主題曲作品，《活誰的命》。
偏偏唔知係錄音問題定人既問題，SHEENA版本係好聽過MARF。