印象中《聽說》係人生第一套睇既台片，而且覺得好好睇。
雖然已經唔記得晒，韓版感覺就係一套普通純愛片，當中花左啲篇幅講聾啞人既難艱，點到即止唔會過火；又有照顧者同被照顧者既互相拉扯，最後耳塞同水底感受另一個人既世界一幕都做得好好。
不過。
第一次感受到醜到出戲係一種咩感覺。男女主角都其貌不揚係點做到。
第一場泳池同女主角妹妹傾計可以姨媽笑，真係要多謝妹妹臉蛋討好。
男主角父母既一來一往又係輕鬆少甜，比起兩個小朋友一直問食左飯未﹑做乜野好，真係青澀過頭。
整體不過不失，想知當年睇原版既感覺係點。
P.S.即刻睇返少少原版，似乎真係有韻味得多。