第一章：5年
頭60分鐘：從逃難到接生意到被趕走，終於被人賞識
90分鐘：開始籌備無中新有既建築之路
100分鐘：貼心地安排60秒count down位
第二章：7年
140分鐘：project is over
其後：乏善可陳？
1. 男主角既氛圍好強，一起一跌都替佢緊張擔心
2. 從一開始走難都搵人口交，到之後打毒針，有錢就飲酒飲到不醒人事，去埋睇色情片，諸如此類，都同佢原本平常難民狀態好唔同
3. 雖然，感覺判若兩人，但係同富豪宴會間一席話，亦展露出佢本性其實好自負﹑好粗獷，再對比其他野獸舉止，其實好立體
4. 同律師太太之間談話，一直被追問戰爭既事﹑影響，呢樣點解個樣點解，好殘酷
5. 還好律師又係有權有勢，有辦法幫到一家團聚，亦增強男主角愛妻既特質
6. 講返，家居圖書館個環境真係好優美，睇住所有野慢慢建立起黎，好舒服好療癒
7. 第二章開始就接老婆，未見到面已經感動到想喊，即使係認錯人。成個影像﹑配樂﹑律師夫婦一齊繄張，搓住手既Toth。。。輕盈既汽球直頭係MVP
8. As一個史詩味作品係好吸引，但係作為一套完整電影作品，係分場﹑剪接﹑過場既地方仍然有待改進 (e.g.picnic無聊吹水另一邊廂應該係Sofia比Harry強姦，但係呈現出黎啲對話悶到訓著，無力理會其他事﹑猶太教做prayer同時火車出事，又一直睇住啲煙變濃直到爆炸，中間只靠配樂好似好凝重咁，但係完全無Feel﹑一邊做廣播講鐵工業發展，又對CUT Elizabeth比Toth封信，兩件事毫無關連又一句駁一句，跟得勁辛苦﹑揀大理石一段拍得最差，無對白無表情尷尬到乜咁，仲要handheld搖到暈)
9. Sofia突然又識講野，又無前因後果
10. 斷裂地彈圖出黎既放映方式真係不敢恭維。本身已經難睇，仲要無Tune色無Tune光，張張唔同，睇到眼痛
11. 基本上除左部分場口既「性」有意義之外，大量藉「性」黎說話既情景都係莫名其妙。Elizabeth覺得久別重逢自己受冷待就同Toth打飛機？開口埋口就話自己想做愛咁款？Harrison睇唔起Toth從而姦左佢？痛完啪完針一醒神少少又掛住搞野？WTF
12. 最尾Harrison自己失踪極度懷疑係因為編劇已經唔識編落去，根本越黎越暴走。對比前段有節有理咁去敍事，後面可以話係災難
13. 不得不提唔知係咪因為矮左幾吋，個十字架真係好L ugly