1. Long time no see。銀河LOGO。
2. 期望管理應該做好啲，始終唔係杜sir作品，無個種好深既吸引力，但係算開左個好頭。
3. 除卻入局幾幕。
4. 或者要從澤信未出世開始講起，要掂下家庭背景，要掂下年代風俗，但係又礙於篇幅所限唔可以太多，所以變到好碎，又唔太連貫。
5. 澤信媽長期處於敏感狀態，同澤信爸一直貌合神離，開初以為佢係咩偷渡人口，張錦程係佢既水泡，又好似唔係。去到少年時期澤信媽仍然係蹦緊狀態，第一條線仲不明所以，第二條線即刻揭盅原來係包二奶所致。第一下感覺係「就咁咋？咁快開估又唔係咩新野喎。」但係拍埋部份第一條線既角色行為留白，就震撼得多。
6. 線與線之間，就咁睇其實好取決角色既「知」。知道他人既苦，知道他人既樂，先有不一樣既命運進程，否則好似處身於第一條線既時候唔知屋企既事，可以繼續樂天之餘失去部份同家人既關係，但係處於第二條線就失去純粹快樂，呢啲都係好睇，好能夠令角色變得立體。唯一擔心既係越往後期可重疊既野事物景象似乎越少，相同因素但唔同環境都可以差天共地，點做到理所當然而又結構緊密？
7. 就好似，去到第三條線，阿龍有響咹，澤信選擇上電單車而唔追究四眼狗下落，就顯得唔順。當然，齋第三條線黎睇，一直對自己好既大哥哥出事，殺完人爆佢樽頂埋罪又順理成章。但單獨抽出黎睇又唔夠過癮，再補返澤信媽飲悶酒同生日禮物一幕都無咁大感觸。
8. 只係，假如，上帝視角係澤信媽到檢視三條線，就好好睇。
9. 所以，套戲好適合鐘意偷窺既人去睇。
10. 「你知？你唔知？佢知。佢唔知喎。而家點？」
11. 而頭兩條線都留左阿龍條尾，戲裡戲外都有可追性；第三條線墜落既風箏，則似已預視。
12. 另外配樂，真係用得好好。好難講。幾段唔同既情緒轉換都引導住﹑帶動到，同《搗破法蘭克》個種嘈分別何在，真係唔識解釋。
13. 至於用「風箏」作為第一個分叉，可以話命運過於輕盈，又可以話係來得求其。身為宿命論者，覺得「選擇」係更重要既命題。「追風箏」可以係一種選擇，但係佢無，佢只係湊巧見到見唔到某啲重要物品，勉強係咹聲中無回頭，有啲唔自在。
14. 畫面上好多非平常見到既電視鏡頭，印象最深係第二條線餐廳門口既兩個倒影。而時鐘角度，初頭以為為做而做，第二次先GET到配合秒針聲係轉線作用，感覺唔算高明，但正路。反而要檢討下未睇晒唔好立論，咁先係精彩既觀劇體驗。
15. 入主線後順暢好多，暫時第二條線最精彩，第三條麻麻，後續可期。