前半Death Match邊睇邊緊張，唔想Justin死係八婆手上，好彩Justin爭氣鬥到最後贏返轉頭。雖然Justin今次要入DM係衰自己戇鳩，而八婆單挑落場亦太便宜左佢，好過繼續留住佢乞人憎。
最唔明係生活館班人做乜咁撐條八婆。雖然則話上局一team人，大家計錯數令佢要去監獄，先一日MM佢既嘴臉未睇清楚咩？成班聖母咁款實被人逐個FOUL走。
Justin既牌路其實都似有得捉。好幾次都係High Class博狙擊。作為剩低既單兵可以挑圍爐機，希望佢留耐啲唔好再咁大意。
一完場鄭泫揆就洗人腦想借刀殺Justin，不改本性；金崔玹準同樣假惺惺話大家係獄友唔忍心，唔知邊個話要殺鄭泫揆，轉頭即刻下手殺獄友世石。呢兩個人真係天生一對。
MM一開始就分晒陣營，天諾仲係死攬四人抱團，連正常溝通都唔同7HIGH講，明顯係敗將之相。圭賢個問題「枝箭可唔可以調轉」係咪白痴先問得出口。對比下來7HIGH問「可唔可以超界」同主播問「可唔可以越過圍欄」簡直超卓。
點知一入到房見到立體模型，真係嚇呆左。希望佢地有後備PLAN。
不過今集7HIGH去完DM返黎好似訓醒左，個人都無咁aggressive，希望佢捱到最後。
邵熙一直自己埋頭苦幹解題，都係工具人款。