波蘭電影。我到底睇左啲乜。
主旨係想講一家人，但係，到底拍緊啲乜。
頭十幾分鐘啲小黑色幽默係幾好，但係一入戲肉，就唔知做乜。
我仲一直以為個老野會翻生，點知真係死左。
點死？成過個程大家仍然好努力玩個遊戲，好努力由唔熟既親人關係逐個解開心扉，結果成為一家人。
然後，個大伯咁既物體原來就係殺人兇手。
中間求其放份報紙就話HINTS，笑死人咩。
至於一開始講句地獄GAG，我真係以為地獄GAG咋。
亦係點解我好唔鐘意睇所謂推理既故事，好多時明明係無意既舉止說話，總會變得煞有介事。
中間無啦啦要整兩個賊出黎又唔知為乜。
個管家行行企企又真係乜戲份都無。
間大屋設計係正，好多機關，雖然都好莫明奇妙，又無運用得晒。
鏡頭有嘗試用房同通道去做啲特別拍法，但係又唔算大膽，又唔夠乾淨，其實係浪費左。
比較鐘意係食鬼個段，夠盞鬼。
吐真劑？又係咩事。係咪我睇漏左，其實係專利既一種。定純粹為做而做同搞GAG。
只能夠講，個半鐘既戲用黎笑下算係消磨到時間，一半笑下啲橋，一半笑下啲戲，未至於爛。
本意其實係想睇另一套又係爭產既外語片，原來睇錯戲，用黎比較下都唔錯。