義大利喜劇類型。
唔好笑。
頭二十分鐘已經覺得，一啲都唔好笑。
個內容似係九十年代港式無厘頭既笑片，但係唔知係幽默感唔同，定喜劇拍攝手法有高低之別，只係好想同啲演員講，你地真係唔好笑。
個種唔好笑法係所有野都唔好笑，而佢地仲好一本正經咁同你講「我講緊笑話」既感覺。
唔係「我搞緊笑」，係「我講緊笑話」，而一本正經咁做。偏偏又唔係冷峻既黑色幽默，連表演都稱唔上既讀劇感。
文本本身就唔好笑，點演。
演出黎又唔係正劇FEEL，直頭係四不像。
鏡頭上就同一種TONE，不時搞兩個大頭後放個WIDE SHOT映晒啲人入去HOLD笑位，環境聲又無乜，配樂又欠奉，完全係無反應等烏鴉經過咁尷尬。
飛機個一幕真係連《Anyone But You》個老套場口都好笑過佢。
中毒個幕又諗起《Anyone But You》。
係節奏問題。
終於笑得出係游泳池自殺個段，可能地獄GAG成夠鳩夠黑，岩呢種用盡力去做認真野既拍攝方法。
另外就係個角色名同《爭產大作戰》一樣又係叫「卡洛」。。。
反而《爭產大作戰》既娛樂性撐到個半鐘頭唔會悶。
呢套去到後半部似乎放棄懶搞笑，入返正軌，倒係無咁難睇。
只係結局忽然間消失左成個鐘既阿婆彈返出黎，又忽然醒覺，觀眾都好似班一家親咁白忙一場，回復舊模樣。
值得一提既係，女女is so hot，衰在無身材。