結局，放低，無謂再去討厭夏。
除左開場無啦啦話水季唔係度自己都好寂寞之外，只係面目可憎，無甚過犯。
最好戲始於如一。池松壯亮得兩幕都勁好睇；古川琴音同大竹忍既臨近道別又係睇到眼濕濕。
唔計一開始無意義既三人生活夢境，劇本都不太完美。
從來覺得處境在於「親人離世」，「沒有父親」無須多加言述。即使三人有機會一齊生活亦不一定係好事。有諗過兩個人幸福生活其實同多一個人係身邊無分別，但係水季多番強調唔後悔離開夏，亦無對夏有咩牽掛遺憾之類，先唔理現唔現實﹑無唔無情，強行加插三人行既境象只係一種累贅。
同樣道理，無啦啦話水季同津野有瞹眜都係畫蛇添足。
不過最唔鐘意係最後水季封信既「追伸」，太賣弄太刻意。如果將讀信放前啲等夏有個理由去拜託人﹑學識同海相處，再將部份關於「幸福」同「存在」既內容放後面去海景，件事就完整同合理好多。
先唔好話夏突然鬼上身咁變得超級陽光好離奇，就當佢真係有小朋友滋潤，各種心態﹑育兒方式都應該交待下，而唔係一開場咁又唔用腦，只識答「會諗下點令海唔再寂寞」，之後又好似順風順水等運到。
反而海用行動將頸鏈交比夏去表示有人陪伴，更反映到夏幾咁無能。
最後關於「海的開始」既含義，硬係覺得好格格不入。夏的確係突然「變左父親」，但係成套劇佢係不斷經驗﹑思考﹑選擇去「成為父親」，如果劇情係佢一直由唔識相處變成識得做老豆，咁就貼題得多。而家絕大部份內容都去左「死亡VS存在」﹑「墮胎VS產子」上面，最尾又屈去「海的開始」就好兀突。
相反，不如話係「夏的突變」仲MAKE SENSE。